നിർണ്ണായക തീരുമാനവുമായി സൗദി; യാത്രാ വിലക്കുകൾക്ക് വിരാമം...താൽക്കാലിക യാത്രാവിലക്ക് നീക്കി എല്ലാ അന്താരാഷ്ട്ര വിമാനങ്ങളും പുനരാരംഭിക്കാൻ സൗദി അറേബ്യ തീരുമാനിച്ചതായി ആഭ്യന്തര മന്ത്രാലയത്തിന്റെ പ്രസ്താവന
നിർണ്ണായക തീരുമാനവുമായി സൗദി; യാത്രാ വിലക്കുകൾക്ക് വിരാമം...താൽക്കാലിക യാത്രാവിലക്ക് നീക്കി എല്ലാ അന്താരാഷ്ട്ര വിമാനങ്ങളും പുനരാരംഭിക്കാൻ സൗദി അറേബ്യ തീരുമാനിച്ചതായി ആഭ്യന്തര മന്ത്രാലയത്തിന്റെ പ്രസ്താവന,..... സൗദി പ്രസ് ഏജൻസിയാണ് ഈ വിവരം പുറത്തു വിട്ടത്. 2021 മാർച്ച് 31 മുതൽ പ്രാബല്യത്തിൽ വരുന്ന ഈ നീക്കത്തിൽ ഇനിപ്പറയുന്ന നടപടികൾ ഉൾപ്പെടുന്നു:
സൗദി പൗരന്മാർക്ക് സൗദിക്ക് പുറത്തേക്ക് യാത്ര ചെയ്യാനും തിരികെ വരാനും അനുവാദമുണ്ട്. എല്ലാ അന്താരാഷ്ട്ര വിമാന സർവീസുകളുടെ താൽക്കാലിക വിലക്ക് നീക്കും.എല്ലാ വായു, കടൽ, കര അതിർത്തികളും വീണ്ടും തുറക്കുo. അതേ സമയം സൗദിയിൽ കമ്പനികളുടെ മാനേജർമാരായി വിദേശികളെ നിയമിക്കാമെന്ന് നീതിന്യായ മന്ത്രാലയം പറഞ്ഞു. ഇതുമായി ബന്ധപ്പെട്ട് നേരത്തെ ഉണ്ടായ വിലക്ക് നീക്കിയതായും നീതിന്യായ മന്ത്രാലയം അറിയിക്കുകയുണ്ടായി .
സൗദി പൗരന്മാരുടെ ഉടമസ്ഥതയിലുള്ള കമ്പനികളിൽ വിദേശികളെ മാനേജർമാരായി നിയമിക്കാൻ അനുമതിയുള്ളതായാണ് റിപ്പോർട്ട്....നേരത്തെ വിദേശികളെ മാനേജർമാരായി നിയമിക്കുന്നതിന് വിലക്ക് ഉണ്ടായിരുന്നു. നേരത്തെ പ്രഖ്യാപിച്ച മന്ത്രിതല തീരുമാനത്തിന്റെ രണ്ടാം ഖണ്ഡിക പ്രകാരം സൗദി കമ്പനികളിൽ വിദേശികളെ മാനേജർമാരായി നിയമിക്കാൻ പാടില്ലായിരുന്നു. ഈ തീരുമാനം നിർത്തി വെച്ചതായി നീതിന്യായ മന്ത്രാലയം അറിയിച്ചു. നീതിന്യായ മന്ത്രി ഡോ.വലീദ് അൽ സ്വംആനി ഇത് സംബന്ദമായി പുതിയ സർക്കുലർ പുറത്തിറക്കിയിട്ടുണ്ട്.
https://www.facebook.com/Malayalivartha