ഈ പാസ്പോര്ട്ട്സൂക്ഷിക്കുക; ഹെല്ത്ത് പാസ്പോര്ട്ട് നിലവില് രാജ്യത്തുനിന്ന് പുറത്തേക്കുള്ള യാത്രക്ക് നിര്ബന്ധമില്ല
സൗദി ആരോഗ്യ മന്ത്രാലയം പുറത്തിറക്കിയ ഹെല്ത്ത് പാസ്പോര്ട്ട് നിലവില് രാജ്യത്തുനിന്ന് പുറത്തേക്കുള്ള യാത്രക്ക് നിര്ബന്ധമില്ല. 'സൗദിയിൽ കോവിഡ് വാക്സിൻ സ്വീകരിക്കുന്നവർക്ക് നൽകിവരുന്ന ഹെൽത്ത് പാസ്പോർട്ട്, അന്താരാഷ്ട്ര യാത്രക്ക് നിർബന്ധമുള്ളതല്ലെന്ന് അധികൃതർ വ്യക്തമാക്കുകയുണ്ടായി. 'തവക്കല്നാ' ആപ്ലിക്കേഷനില് ഉള്ക്കൊള്ളിച്ച ഹെല്ത്ത് പാസ്പോര്ട്ട് കോവിഡ് വാക്സിനേഷന് എടുത്തവര്ക്കുള്ള സര്ട്ടിഫിക്കറ്റാണ് ഇത്. ഇത് നിലവില് രാജ്യത്തിന് പുറത്തേക്ക് യാത്രാനുമതിക്കുള്ള രേഖയാണോ എന്ന ഗുണഭോക്താവിെന്റ ചോദ്യത്തിന് മറുപടിയായി തവക്കല്നാ അധികൃതര് ട്വിറ്ററിലാണ് ഇക്കാര്യം അറിയിച്ചത്.
അതേസമയം വിദേശയാത്രക്ക് നിലവില് ഹെല്ത്ത് പാസ്പോര്ട്ട് ഉപാധിയായി നിശ്ചയിട്ടില്ല. എന്നാല്, കോവിഡ് വാക്സിനെടുത്തെന്ന് ഉറപ്പുവരുത്താന് ചില രാജ്യങ്ങള് ഭാവിയില് അത് പ്രവേശനത്തിന് ഉപാധിയാക്കിയേക്കാം.യാത്രയുമായി ഹെല്ത്ത് പാസ്പോര്ട്ടിനെ ബന്ധപ്പെടുത്തുന്ന പുതിയ വിവരങ്ങളുണ്ടാക്കുകയാണെങ്കില് ബന്ധപ്പെട്ട വകുപ്പുകളിലൂടെ അത് പ്രഖ്യാപിക്കുമെന്നും അധികൃതർ വ്യക്തമാക്കി.
കഴിഞ്ഞ വ്യാഴാഴ്ചയാണ് സൗദി ആരോഗ്യവകുപ്പ് കോവിഡ് വാക്സിന് കുത്തിവെപ്പ് രണ്ടും എടുത്തവര്ക്ക് തവക്കല്നാ ആപ്ലിക്കേഷന് വഴി ഹെല്ത്ത് പാസ്പോര്ട്ട് നല്കാന് ആരംഭിച്ചത്.
https://www.facebook.com/Malayalivartha