യു.എ.ഇയില് അതിശൈത്യം; അല്ഐന് മേഖലയില് അന്തരീക്ഷോഷ്മാവ് മൈനസ് ഡിഗ്രിയിലേക്ക്, സോഷ്യല്മീഡിയയില് വൈറലായി മരുഭൂമിയില് വെള്ളം ഐസായി മാറിയ വീഡിയോ
കഴിഞ്ഞ കുറച്ച് ദിവസങ്ങളായി യു.എ.ഇയില് അതിശൈത്യമെന്ന് റിപ്പോർട്ട്. അല്ഐന് മേഖലയില് അന്തരീക്ഷോഷ്മാവ് മൈനസ് ഡിഗ്രിയിലേക്ക് കടന്നു. ഇതോടെ വെള്ളം തണുത്തുറയുന്ന അവസ്ഥയാണ് കാണുവാൻ സാധിക്കുന്നത്. ഇപ്പോഴിതാ മരുഭൂമിയില് വെള്ളം ഐസായി മാറിയ വീഡിയോ സോഷ്യല്മീഡിയയില് വൈറലായിരിക്കുകയാണ്. അല്ഐനിലെ അല്ജിയാ പ്രദേശത്ത് നിന്നാണ് ഈ വീഡിയോ എന്നാണ് ലഭ്യമാകുന്ന വിവരം.
കൊടും തണുപ്പില് ടാങ്കിലെ വെള്ളം ഐസായി മാറിയ ദൃശ്യമാണ് സാമൂഹിക മാധ്യമങ്ങളില് വൈറലായിരിക്കുന്നത്. അല്ഐനിലെ റക്നാ മേഖലയില് മൈനസ് രണ്ട് ഡിഗ്രിയാണ് ഊഷ്മാവ് രേഖപ്പെടുത്തിയിരിക്കുന്നത്. അടുത്ത ദിവസങ്ങളിലും ഈ മേഖലയില് ശക്തമായ തണുപ്പ് തുടരുമെന്നാണ് കാലാവസ്ഥ നിരീക്ഷണ കേന്ദ്രം അധികൃതർ വ്യക്തമാക്കുന്നത്. കിഴക്കന് ശീതക്കാറ്റ് യു എ ഇയില് ശക്തമാണ്. അതുകൊണ്ട്, താഴ് വരകളിലും മറ്റും തണുപ്പ് ശക്തമാകുമെന്നാണ് അറിയിപ്പ്. അല്ഐനില് പൊതുവെ ഏറ്റവും കൂടുതല് തണുപ്പ് അനുഭവപ്പെടുന്ന മേഖലയിലാണ് വെള്ളം ഐസാകുന്ന കാഴ്ചയുള്ളതെന്നും കാലാവസ്ഥ വിദഗ്ധര് പറഞ്ഞു.
https://www.facebook.com/Malayalivartha