ഒടുവിൽ സൗദി ആ നിർണായകമായ തീരുമാനമെടുത്തു...സൗദിയില്‍നിന്നുള്ള വിമാനയാത്രയ്ക്ക് കോവിഡ് വാക്‌സിനേഷന്‍ നിര്‍ബന്ധമല്ലെന്ന്സൗദി ആരോഗ്യ മന്ത്രാലയം അറിയിച്ചിരിക്കുകയാണ്.

സൗദിയിൽനിന്നും പുറത്തേക്കുള്ള വിമാന യാത്രികർക്ക് ആണ് കോവിഡ് പ്രതിരോധ കുത്തിവെപ്പ് നിർബന്ധമില്ലെന്ന് സൗദി ആരോഗ്യമന്ത്രാലയം അറിയിച്ചിരിക്കുന്നത്. മാർച്ച് 31 മുതലാണ് സൗദിയിൽനിന്നുള്ള അന്താരാഷ്ട്ര വിമാനങ്ങൾ സേവനം പുനരാംഭിക്കുക. സൗദിയിൽ നിന്ന് പുറത്തേക്ക് യാത്ര ചെയ്യുന്നവർക്ക് കോവിഡ് വാക്സിനേഷൻ നിർബന്ധമാക്കില്ലെന്ന് ആരോഗ്യ മന്ത്രാലയ വക്താവ് ഡോ. മുഹമ്മദ് അൽ അബ്ദുൽ അലി പറഞ്ഞു. യാത്ര ചെയ്യുന്നതിനു മുമ്പ് വാക്സിൻ കുത്തിവെപ്പ് നിർബന്ധമില്ല. എന്നാൽ ഏത് രാജ്യത്തേക്കാണൊ യാത്രപോകുന്നത്, ആ രാജ്യത്തിന്റെ നിലപാടെന്തെന്നത് അറിയില്ലെന്നും സൗദിയുടെ നിലപാട് രാജ്യത്തിന് പുറത്തേക്ക് പോകുന്നതിന് വാക്സിൻ ആവശ്യമില്ലെന്നതാണെന്ന് ഡോ. മുഹമ്മദ് അൽ അബ്ദുൽ അലി വ്യക്തമാക്കി.രണ്ട് ഡോസ് കോവിഡ് വാക്സിൻ എടുത്തവർക്ക് ആരോഗ്യ മന്ത്രാലയം ഡാറ്റ ആന്റ് ആർടിഫിഷ്യൽ ഇന്റലിജൻസ് അധികൃതരുമായി സഹകരിച്ച് തവക്കൽനാ ആപ്പ് വഴി ഹെൽത്ത് പാസ്പോർട്ട് നൽകുന്നുണ്ട്. വാക്സിൻ സ്വീകരിച്ചവരുടെ കണക്ക് രേഖപ്പെടുത്തുക പ്രധാനമാണ്.

അതേ സമയം താൽക്കാലിക യാത്രാവിലക്ക് നീക്കി എല്ലാ അന്താരാഷ്ട്ര വിമാനങ്ങളും പുനരാരംഭിക്കാൻ സൗദി, അറേബ്യ തീരുമാനിച്ചതായി ആഭ്യന്തര മന്ത്രാലയത്തിന്റെ പ്രസ്താവന, കഴിഞ്ഞ ദിവസം പുറത്തു വന്നിരുന്നു സൗദി പ്രസ് ഏജൻസിയാണ് ഈ വിവരം പുറത്തു വിട്ടത്. 2021 മാർച്ച് 31 മുതൽ പ്രാബല്യത്തിൽ വരുന്ന ഈ നീക്കത്തിൽ ഇനിപ്പറയുന്ന നടപടികൾ ഉൾപ്പെടുന്നുണ്ട്. സൗദി പൗരന്മാർക്ക് സൗദിക്ക് പുറത്തേക്ക് യാത്ര ചെയ്യാനും തിരികെ വരാനും അനുവാദമുണ്ട്. എല്ലാ അന്താരാഷ്ട്ര വിമാന സർവീസുകളുടെ താൽക്കാലിക വിലക്കുകളും നീക്കും. എല്ലാ വായു, കടൽ, കര അതിർത്തികളും വീണ്ടും തുറക്കുവാനും ഒരുങ്ങുകയാണ്