ഗൾഫ് മേഖല ഉണരുന്നു; പ്രവാസികൾക്കായി കാത്തിരിക്കുന്നത് വമ്പൻ പദ്ധതി, മലയാളികളുടെ ഉടമസ്ഥതയിലുള്ള ഗൾഫ് ബിസിനസ് സംരംഭങ്ങൾക്ക് പുത്തൻ ഉണർവ് നൽകി ഗൾഫ് പുനരൈക്യം, സംഭവിക്കാനിരിക്കുന്നത്
മൂന്നര വർഷത്തിന് ശേഷം ഉണ്ടായ ഗൾഫ് പുനരൈക്യം ഏറെ പ്രതീക്ഷയോടെയാണ് പ്രവാസികൾ ഉറ്റുനോക്കുന്നത്. പ്രത്യേകിച്ച് പ്രവാസി മലയാളികളുടെ ഉടമസ്ഥതയിലുള്ള ഗൾഫ് ബിസിനസ് സംരംഭങ്ങൾക്കും ഇത് പുത്തൻ ഉണർവ് പകരുന്നതാണ്. വിവിധ രാജ്യങ്ങളിലായി വാണിജ്യ ശൃംഖലയുള്ള സ്ഥാപന ഉടമകളും ഏറെ ആവേശത്തിലാണ് ഉള്ളത്. കൊറോണ വ്യാപനത്തെ തുടർന്നുള്ള പ്രതിസന്ധിക്കിടയിൽ സാമ്പത്തിക രംഗത്തും മറ്റും ഉണർവ് പകരാൻ ഗൾഫ് ഐക്യം സഹായിക്കുമെന്നാണ് പ്രവാസി വ്യവസായികളുടെ പ്രധാന വിലയിരുത്തൽ.
അങ്ങനെ നീണ്ട മൂന്നര വർഷത്തെ പ്രതികൂല സാഹചര്യം മറികടന്ന് ഗൾഫ് രാജ്യങ്ങൾ ഒരുമിക്കുമ്പോൾ സാമ്പത്തിക രംഗത്ത് അത് വലിയ ചലനം തന്നെ സൃഷ്ടിക്കുമെന്ന് സഫാരി ഗ്രൂപ്പ് മാനേജിങ്ങ് ഡയരക്ടർ സൈനുൽ ആബിദീൻ വ്യക്തമാക്കുകയും ചെയ്തു. ഗൾഫ് മേഖലക്കും സ്വദേശികൾക്കുമൊപ്പം മലയാളികൾ ഉൾപ്പെടെ പ്രവാസികൾക്കും മികച്ച അവസരമായിരിക്കും പുതിയ സാഹചര്യം മുഖേന ലഭിക്കുന്നത്. കോവിഡ് സൃഷ്ടിച്ച ആഘാതത്തിനിടയിൽ വിപണിയിൽ മാത്രമല്ല തൊഴിൽ മേഖലയിലും ഇത് നല്ല മാറ്റങ്ങൾ കൊണ്ടു വരുമെന്നും സൈനുൽ ആബിദീൻ ചൂണ്ടിക്കാട്ടി.
https://www.facebook.com/Malayalivartha