യു.എ.ഇയിൽ അതിശൈത്യം; മൂടല്‍മഞ്ഞ് മുന്നറിയിപ്പിനെ തുടര്‍ന്ന് യുഎഇയില്‍ അബുദാബി-അല്‍ ഐന്‍ റോഡില്‍ വേഗപരിധി കുറച്ചു, വേഗപരിധി മണിക്കൂറില്‍ 80 കിലോമീറ്ററാക്കി
14 JANUARY 2021 03:39 PM IST
മലയാളി വാര്‍ത്ത
യു.എ.ഇയിൽ അതിശൈത്യമെന്ന് റിപ്പോർട്ട്. മൂടല്‍മഞ്ഞ് മുന്നറിയിപ്പിനെ തുടര്‍ന്ന് യുഎഇയില്‍ അബുദാബി-അല്‍ ഐന്‍ റോഡില്‍ വേഗപരിധി കുറച്ചതായി അധികൃതർ. വേഗപരിധി മണിക്കൂറില്‍ 80 കിലോമീറ്ററാക്കിയതായി അബുദാബി പൊലീസ് വ്യാഴാഴ്ച അറിയിക്കുകയുണ്ടായി. ഔദ്യോഗിക ട്വിറ്റര്‍ പേജിലൂടെയാണ് അബുദാബി പൊലീസ് വേഗപരിധി കുറച്ച വിവരം അറിയിച്ചത്. വാഹനമോടിക്കുന്നവര്‍ ജാഗ്രത പുലര്‍ത്തണമെന്നും പൊലീസ് വ്യക്തമാക്കുകയും ചെയ്തു.
അതേസമയം അല്‍ ഐന്‍ ഉള്‍പ്പെടെ വിവിധ പ്രദേശങ്ങളില്‍ മൂടല്‍മഞ്ഞ് അനുഭവപ്പെടുമെന്നും ദൂരക്കാഴ്ച കുറയുമെന്നും ദേശീയ കാലാവസ്ഥാ കേന്ദ്രം മുന്നറിയിപ്പ് നല്‍കിയതിനെ തുടര്‍ന്നാണ് റോഡുകളില്‍ വേഗപരിധി പരിമിതപ്പെടുത്തിയത്. അല്‍ ദഫ്ര, ബു ഹുമ്ര, ഹമീം, അല്‍ ഹഫാ ഏരിയകളിലും കനത്ത മൂടല്‍മഞ്ഞ് ഉണ്ടാകും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
