സൗദിയില് ഓണ്ലൈന് ടാക്സി മേഖലയിൽ ഇനിമുതൽ പ്രവാസികൾ ഇല്ല; 100 ശതമാനം സൗദിവല്ക്കരിച്ചു, ഈ നീക്കം സൗദി യുവതീയുവാക്കൾക്ക് തൊഴില് സാധ്യതകള് വര്ധിപ്പിക്കുന്നതിനായി
സൗദിയില് ഓണ്ലൈന് ടാക്സി മേഖല 100 ശതമാനം സൗദിവല്ക്കരിച്ചതായി റിപ്പോർട്ട്. സൗദി പബ്ലിക് ട്രാന്സ്പോര്ട്ട് അതോറിറ്റി ചെയര്മാനും ഗതാഗത മന്ത്രിയുമായ സ്വാലിഹ് ബിന് നാസര് അല്ജാസിര് ആണ് ഈ ഉത്തരവ് ഇറക്കിയത്. ടാക്സി കാറുകള്, സ്വകാര്യ വാഹനങ്ങള്, ഓണ്ലൈന് ടാക്സി സ്ഥാപനങ്ങള് എന്നിവിടങ്ങളിലെല്ലാം ഇനി മുതല് വിദേശികളെ പൂര്ണമായി വിലക്കണമെന്ന് ഉത്തരവില് വ്യക്യഹമാക്കുന്നു. സൗദി യുവതി യുവാക്കള്ക്ക് തൊഴില് സാധ്യതകള് വര്ധിപ്പിക്കുന്നതിനാണ് ഈ നീക്കമെന്നും മന്ത്രി വ്യക്തമാക്കുകയുണ്ടായി.
ഇപ്പോള് ഈ രംഗത്ത് നാല് ശതമാനം മാത്രമാണ് വിദേശികളുടെ സാന്നിധ്യമെന്നും അദ്ദേഹം പറയുകയുണ്ടായി. ആഭ്യന്തര മന്ത്രാലയം, മാനവവിഭവ ശേഷിസാമൂഹിക വികസന മന്ത്രാലയം, മാനവ വിഭവശേഷി വികസന നിധി (ഹദഫ്) തുടങ്ങി വിവിധ ഗവണ്മെന്റ് വകുപ്പുകളുടെ സഹകരണത്തോടെയാണ് നിയമം നടപ്പിലാക്കുകയെന്നും സ്വാലിഹ് അല്ജാസിര് അറിയിച്ചു.
https://www.facebook.com/Malayalivartha
