ലോകത്തെ മുഴുവനും ഭീതിയിലാക്കി ജനിതകമാറ്റം സംഭവിച്ച വൈറസിന് പുറമെ പലയിനം കൊറോണ വൈറസുകളെ യു. എ.ഇയിൽ കണ്ടെത്തിയിട്ടുണ്ടെന്ന് ആരോഗ്യവകുപ്പ് അധികൃതരുടെ വെളിപ്പെടുത്തൽ. എന്നാൽ, ഈ വൈറസുകൾക്കെല്ലാം വാക്സിൻ ഏറെ ഫലപ്രദമാണ്. രാജ്യത്ത് പക്ഷെ, കോവിഡ് വ്യാപനം ശക്തമായി തുടരുകയാണ് എന്നാണ് റിപ്പോർട്ട്. കഴിഞ്ഞ 24 മണിക്കൂറിൽ 3,407 പേർക്ക് കൂടി രോഗം സ്ഥിരീകരിക്കുകയുണ്ടായി. ഏഴ് മരണവും റിപ്പോർട്ട് ചെയ്തു.

ജനിതകമാറ്റം സംഭവിച്ച പലയിനം കോറോണ വൈറസുകളെ യു. എ.ഇയിൽ കണ്ടെത്തിയിട്ടുണ്ടെന്ന് ദേശീയ കോവിഡ് മാനേജ്മെന്‍റ് കമിറ്റി ചെയർപേഴ്സൻ ഡോ. നവാൽ അൽ കഅബിയാണ് മാധ്യമങ്ങളോട് വ്യക്തമാക്കിയിരിക്കുന്നത്. സാർസ് വൈറസുകളിൽ ജനിതകമാറ്റം സാധാരണയാണ് എന്നാണ് അധികൃതർ പറയുന്നത്. എന്നാൽ, ഇത്തരം വൈറസ് ബാധക്കുള്ള ചികിൽസയും പ്രതിരോധ രീതികളും സമാനമാണ് എന്നതാണ്. നിലവിലെ വാക്സിനുകളും പുതിയ ഇനങ്ങളെ കൂടുതൽ പ്രതിരോധിക്കുന്നതാണ്. ചൈനയുടെ സിനോഫോം വാക്സിൻ ഒമ്പത് മുതൽ ഒരുവർഷം വരെ വൈറസിനെ പ്രതിരോധിക്കുമെന്ന് യു.എ.ഇ അധികൃതർ വ്യക്തമാക്കി. നിലവിൽ 18 വയസിന് മുകളിലുള്ളവർക്കാണ് സിനോഫാം വാക്സിൻ നൽകുന്നത് എന്നും അദ്ദേഹം പറയുകയുണ്ടായി.