ഏതൊരു സാഹചര്യത്തെയും അതിവിദഗ്ധമായി നേരിടാൻ പ്രവാസി മലയാളികൾക്ക് കഴിവുണ്ട് എന്നത് പല വർത്തകളിലൂടെയും നാം കണ്ടിട്ടുള്ളതാണ്. അത്തരം സാഹചര്യങ്ങളിൽ താങ്ങായി തണലായി ഓടിയെത്തുന്ന പ്രവാസികളും പല സംഘടനകളും അതിന് ഉത്തമ ഉദാഹരണമാണ്. അത്തരം പാഠങ്ങൾ കൊറോണ വ്യാപനത്തെ തുടർന്നുള്ള നാളുകളിൽ പലരും കണ്ടും കേട്ടും അറിഞ്ഞു. അങ്ങനെ ഏത് ദുരിതത്തിലും സഹായിക്കാൻ പ്രവാസികളെ കഴിഞ്ഞേ മറ്റാരുമുള്ളൂ എന്ന് അവർ തെളിയിച്ചു. ഇപ്പോഴിതാ അറബ് വാർത്തകളിൽ കയ്യടി ഏറ്റുവാങ്ങിയിരിക്കുകയാണ് പ്രവാസി മലയാളികൾ. ഷാർജയിൽ സൈക്കിൾ മോഷണം കയ്യോടെ പിടികൂടിയാണ് മലയാളികൾ വാർത്തകളിൽ ഇടംപിടിച്ചത്. അൽ ജുബൈലിലെ മദീനാ സൂപ്പർ മാർക്കറ്റിലെ ജീവനക്കാരാണ് സൈക്കിൾ മോഷണം പരാജയപ്പെടുത്തിക്കൊണ്ട് എത്തിയത്. ഇന്നലെ രാത്രി പതിനൊന്നരയോടെയാണ് സംഭവം നടന്നത്..

സൈക്കിൾ മോഷ്ടാവിനെ കൈയോടെ പിടികൂടുന്ന ദൃശ്യം സിസിടിവിയിൽ പതിയുകയുണ്ടായി. തിരക്കേറിയ സമയത്ത് സൂപ്പർമാർക്കറ്റിന് മുന്നിൽ സൈക്കിൾ വച്ച് ഡെലിവറി ജീവനക്കാരൻ സിറാജ് വി.പി.കീഴ്മാടം അകത്തേക്ക് പോയതായിരുന്നു. പെട്ടെന്നു തന്നെ സാധനങ്ങളെടുത്ത് തിരിച്ചുവരുന്നതിനിടയിൽ സൈക്കിൾ കാണാനില്ല. സിസിടിവി പരിശോധിച്ചപ്പോൾ പാക്കിസ്ഥാനി യുവാവ് മോഷ്ടിച്ച് സ്ഥലം വിടുന്നതാണ് ദൃശ്യങ്ങളിൽ കണ്ടത്. സൈക്കിൾ തടഞ്ഞ് പാക്കിസ്ഥാനിയെ ചോദ്യം ചെയ്തപ്പോൾ ആദ്യം എതിർത്തെങ്കിലും കുടുങ്ങുമെന്നായപ്പോൾ ഓടി രക്ഷപ്പെടുകയായിരുന്നു.

അതേസമയം കഴിഞ്ഞ വർഷം ഇത്തരത്തിൽ ഇരുപതോളം സൈക്കിളുകൾ പരിസരപ്രദേശത്ത് നിന്നു കാണാതായിരുന്നുവെന്ന് സിറാജ് പറഞ്ഞു. മദീന സൂപ്പർമാർക്കറ്റിന്റെ ഡെലിവറി സൈക്കിളുകൾ മാത്രം ഒട്ടേറെ നഷ്ടപ്പെട്ടു. ഇതാദ്യമായാണ് മോഷ്ടാവിൽ നിന്ന് സൈക്കിൾ തിരിച്ചുപിടിക്കുന്നത്. ഇത്തരത്തിൽ നിരവധി മോഷണശ്രമങ്ങൾ നേരിടേണ്ടി വരുന്നതും അതിനെ പരാജയപ്പെടുത്തുന്നതും പ്രവാസികളിൽ ആശങ്ക ഉളവാക്കുന്നുണ്ട്. എന്നിരുന്നാൽ തന്നെയും അതെല്ലാം നേരിടാൻ പ്രാപ്തരാണ് എന്നത് കാട്ടിത്തരുകയാണ് മലയാളികൾ.