യു.എ.ഇ.യിൽ അതിശൈത്യം മൂലം കനത്ത മൂടൽമഞ്ഞാണ് രൂപപ്പെടുന്നത്. ഇതേതുടർന്ന് കഴിഞ്ഞ ദിവസം വാഹനങ്ങൾ കൂട്ടിയിടിച്ച് മലയാളി മരിച്ചു. ദൂരക്കാഴ്ച കുറവായതിനാൽ അബുദാബിയിലെ അൽ മഫ്രാഖിൽ 19 വാഹനങ്ങൾ കൂട്ടിയിടിച്ചുണ്ടായ അപകടപരമ്പരയിലാണ് തൃശ്ശൂർ സ്വദേശിയായ പ്രവാസി മലയാളി മരിച്ചത്. തൃശ്ശൂർ ചേർപ്പ് ചെറുചേനം സ്വദേശി നൗഷാദാണ് (45) മരിച്ചത്. എട്ടുപേർക്ക് പരിക്കേൽക്കുകയുണ്ടായി. ഇതിൽ ചിലരുടെ നില ഗുരുതരമാണ്. കൂട്ടിയിടിച്ച വാഹനങ്ങളിൽ കാറുകളും ട്രക്കുകളും ഉൾപ്പെടുന്നു.

റുവൈസിൽ സെക്യൂരിറ്റി സ്ഥാപനത്തിൽ ജോലി ചെയ്തുവരുകയായിരുന്നു ഇദ്ദേഹം. ചെറുചേനത്തെ പരേതരായ അബ്ദുല്ല റുഖിയ ദമ്പതിമാരുടെ മകനാണ്. അബുദാബി ബനിയാസ് സെൻട്രൽ മോർച്ചറിയിൽ സൂക്ഷിച്ച മൃതദേഹം നിയമനടപടികൾ പൂർത്തിയാക്കി നാട്ടിലേക്ക് കൊണ്ടുപോകുമെന്ന് ബന്ധുക്കൾ അറിയിക്കുകയുണ്ടായി. മൂടൽമഞ്ഞ് നിറഞ്ഞതോടെ വാഹനങ്ങൾ തമ്മിൽ ആവശ്യത്തിന് അകലം പാലിക്കാനാകാത്തതാണ് അപകടകാരണമെന്ന് അബുദാബി പോലീസ് അറിയിക്കുകയുണ്ടായി. ഞായറാഴ്ച രാവിലെയും കനത്ത മൂടൽമഞ്ഞാണ് രാജ്യത്ത് അനുഭവപ്പെട്ടത്. രാവിലെ മൂന്നുമണിക്കൂറിനുള്ളിൽ 24 വാഹനാപകടങ്ങളാണ് റിപ്പോർട്ടുചെയ്യപ്പെട്ടത്. ayat ഹിനാൽ തെന്നെ കൂടുതൽ ജാഗ്രത പുലർത്തണമെന്ന് അധികൃതർ അഭ്യർത്ഥിക്കുകയുണ്ടായി.