'നിങ്ങള് ബാഗുകള് പായ്ക്ക് ചെയ്തോ?' പ്രവാസികൾക്ക് അവസരം നൽകി സൗദി; ഒരു വര്ഷത്തെ ഇടവേളയ്ക്കു ശേഷം അന്താരാഷ്ട്ര സര്വീസുകള് നടത്താന് സജ്ജമായി സൗദി അറേബ്യന് എയര്ലൈന്സായ സൗദിയ, പ്രവാസികൾക്ക് സന്തോഷ വാർത്ത
കൊറോണ വ്യാപനത്തിന്റെ ആരംഭ കത്തിൽ തന്നെ കടുത്ത നിയന്ത്രണങ്ങളാണ് സൗദി അറേബ്യ മുന്നോട്ട് വച്ചത്. എത്തി ഏറ്റവും കൂടുതൽ ദുരിതത്തിലായത് പ്രവാസികളാണ്. ഇന്ത്യ ഉളപ്പടെയുള്ള നിരവധി രാഷ്ട്രങ്ങൾക്കാണ് നേരിട്ട് വരുന്നതിന് വിലക്കേർപ്പെടുത്തിയത്. ഇപ്പോഴിതാ പ്രവാസികളുടെ കാത്തിരിപ്പിന് അറുതിയായി. കൊവിഡ് വ്യാപനത്തെ തുടര്ന്നുള്ള ഒരു വര്ഷത്തെ ഇടവേളയ്ക്കു ശേഷം അന്താരാഷ്ട്ര സര്വീസുകള് നടത്താന് സജ്ജമായി സൗദി അറേബ്യന് എയര്ലൈന്സായ സൗദിയ.
റമദാന് മാസം കഴിഞ്ഞ് ശവ്വാല് അഞ്ചിന് വിദേശ സര്വീസ് ആരംഭിക്കുമെന്ന് സൗദിയ അസിസ്റ്റന്റ് ഡയറക്ടര് ജനറല് ഫോര് കമ്മ്യൂണിക്കേഷന്സ് ഖാലിദ് ബിന് അബ്ദുല്ഖാദിര് വ്യക്തമക്കുകയുണ്ടായി. മെയ് 17ന് അന്താരാഷ്ട്ര സര്വീസുകള് പുനരാരംഭിക്കുമെന്ന് സൗദി ജനറല് അതോറിറ്റി ഓഫ് സിവില് ഏവിയേഷന് നേരത്തേ തന്നെ വ്യക്തമാക്കിയിരുന്നു.
ഇതുമായി ബന്ധപ്പെട്ട് കഴിഞ്ഞ ദിവസം സൗദിയ ഒരു പരസ്യം ട്വീറ്റ് ചെയ്തിരുന്നു. 'നിങ്ങള് ബാഗുകള് പായ്ക്ക് ചെയ്തോ?' എന്നായിരുന്നു പരസ്യത്തിലെ വാചകം. വിമാനയാത്രയ്ക്കായി ബാഗുകള് ഒരുക്കിവച്ച ചിത്രത്തോടൊപ്പമായിരുന്നു ഈ കാപ്ഷന് എന്നത്. 2020 മാര്ച്ച് മുതല് നിര്ത്തിവച്ചിരിക്കുന്ന വിദേശ വിമാന സര്വീസുകള് മെയ് 17ന് തന്നെ പുനരാരംഭിക്കുമെന്നതിന്റെ വ്യക്തമായ സൂചനയായാണ് ഇത് എന്നാണ് വിലയിരുത്തപ്പെടുന്നത്. വിമാനയാത്രാ വിലക്ക് പല തവണകളായി ദീര്ഘിപ്പിച്ചിരുന്നുവെങ്കിലും ഇത്തവണ അതുണ്ടാവില്ലെന്ന ആശ്വാസത്തിലാണ് പ്രവാസികള് ഉള്പ്പെടെയുള്ള യാത്രക്കാര്.
ഇതുകൂടാതെ ഇന്ത്യയില് കൊവിഡ് വ്യാപനം രൂക്ഷമാകുന്ന സാഹചര്യത്തിലേക്ക് നാട്ടിലേക്ക് തിരിക്കാന് ആഗ്രഹിച്ച പല പ്രവാസികളും യാത്ര ഒഴിവാക്കിയതായും റിപ്പോര്ട്ടുകളുണ്ട്. കൊവിഡ് ബാധയെ കുറിച്ചുള്ള ആശങ്കയിലുപരി, മെയ് 17ന് സൗദി വിദേശ സര്വീസ് ആരംഭിക്കുന്ന വേളയില് കൊവിഡ് വ്യാപനം കാരണം ഇന്ത്യയിലേക്കുള്ള വിമാനങ്ങള്ക്ക് വിലക്കേര്പ്പെടുത്തുമോ എന്ന ആശങ്കയും പ്രവാസികളിൽ നിലനില്ക്കുന്നുണ്ട്. അതേപോലെ ഇനി നാട്ടിലെത്തിയാലും തിരികെയുള്ള സര്വീസിന് തടസ്സം നേരിട്ടാലും നിലവിലെ സാഹചര്യത്തില് അതും വെല്ലുവിളിയാവും.
https://www.facebook.com/Malayalivartha
