ഒമാനില്‍ കോവിഡ്‌ ബാധിച്ച്‌ മലയാളി നഴ്​സ്​ മരിച്ചു.കോഴിക്കോട്‌ കൂരാച്ചുണ്ട് സ്വദേശിനി രമ്യ റജുലാണ്​ മരിച്ചത്​. റുസ്​താഖ് ആശുപത്രിയില്‍ ജോലി ചെയ്​തിരുന്ന രമ്യ കോവിഡ്‌ ബാധിച്ച്‌ വെന്‍റിലേറ്ററിലായിരുന്നു. കോഴിക്കോട്‌ ബാലുശേരി സ്വദേശി റജുലാലാണ്​ ഭര്‍ത്താവ്. ഒരു മകളുണ്ട്. കോഴിക്കോട്‌ ഇഖ്റ ആശുപത്രിയിലും സേവനമനുഷ്​ടിച്ചിട്ടുണ്ട്.

അതേസമയം ഒമാനില്‍ 72 മണിക്കൂറിനിടെ 37 കൊവിഡ് മരണങ്ങള്‍ കൂടി റിപ്പോര്‍ട്ട് ചെയ്യപ്പെട്ടതായി ആരോഗ്യ മന്ത്രാലയം അറിയിച്ചു. 2006 പേര്‍ക്കാണ് പുതിയതായി രാജ്യത്ത് കൊവിഡ് സ്ഥിരീകരിച്ചത്. വെള്ളി, ശനി ദിവസങ്ങളിലെ കണക്കുകള്‍ കൂടി ഉള്‍പ്പെടുത്തിയാണ് ഇന്ന് ആരോഗ്യ മന്ത്രാലയം പ്രസ്‍താവന പുറത്തിറക്കിയത്.