ഇന്ത്യയിൽ കോവിഡ് വ്യാപനം തുടർന്നേക്കുമെന്ന റിപ്പോർട്ടുകൾ നിലനിൽക്കെ പ്രവാസികൾ തേടുന്നത് മറ്റുവഴികളാണ്. നിലവിലെ കോവിഡ് വ്യാപനം ഗണ്യമായി കുറയാതെ യാത്രാവിലക്ക് പിൻവലിക്കാൻ യു.എഇ ഉൾപ്പെടെ ഗൾഫ് രാജ്യങ്ങൾ തയാറാകില്ല എന്നത് നിലനിൽക്കെ വാക്‌സിൻ മറ്റൊരു പ്രധാന ഘടകമായിരിക്കുകയാണ്. നിലവിൽ ഖത്തറും ബഹ്റൈനും ഇന്ത്യക്ക് വിലക്ക് ഏർപ്പെടുത്താത്തത് മാത്രമാണ് പ്രവാസികൾക്ക് ഇപ്പോൾ ഏക ആശ്വാസം എന്നത്. ഇവിടം വഴി യുഎഇ ഉൾപ്പടെ മറ്റു ഗൾഫ് രാഷ്ട്രങ്ങളിലേക്ക് കടക്കാൻ ശ്രമിക്കുകയാണ് പ്രവാസികൾ. അത്തരത്തിൽ യാത്ര സാധ്യമാക്കും വിധം ഒരു വാർത്തയാണ് പുറത്തേക്ക് വരുന്നത്.

കൊവിഡ് വാക്സിന്‍ സ്വീകരിച്ചവര്‍ക്ക് ഇനി യുഎഇ -ബഹ്റൈന്‍ യാത്ര എളുപ്പമാകുന്നതാണ്. ഇരു രാജ്യങ്ങൾക്കുമിടയിൽ സഞ്ചരിക്കാൻ വാക്സിന്‍ സ്വീകരിച്ചവര്‍ക്ക് സാധിക്കുമെന്ന് അധികൃതർ വ്യക്തമാക്കി. ഇവര്‍ക്ക് ക്വാറൻറീൻ ഒഴിവാക്കുന്നതാണ്. ഈദ് മുതല്‍ നിയമം പ്രാബല്യത്തിൽ വരും. പൗരന്‍മാര്‍ക്കും, വിദേശികള്‍ക്കും നിയമം ബാധകമാണ്. അതത് രാജ്യങ്ങളിലെ മൊബൈൽ ആപ്പിലുള്ള കൊവിഡ് വാക്സിന്‍ സ്വീകരിച്ചതിന്‍റെ സർട്ടിഫിക്കറ്റ് കാണിച്ചാൽ മതിയാകും.

എല്ലാവർക്കുമായി സുരക്ഷിതമായ യാത്ര ഉറപ്പാക്കുന്നതിന് മുൻകരുതൽ നടപടികൾ ശക്തമാക്കിയാണ് ഇരു രാജ്യങ്ങളും രംഗത്തെത്തിയിരിക്കുന്നത്. വാക്സിന്‍ സ്വീകരിക്കുന്നതിന്‍റെ പ്രചാരണവും ഇതിലൂടെ ലക്ഷ്യം വെക്കുന്നുണ്ട്. ഈ വര്‍ഷം അവസാനം ആകുമ്പോഴേക്കും എല്ലാവര്‍ക്കും വാക്സിന്‍ നല്‍കാന്‍ സാധിക്കും എന്ന് പ്രതീക്ഷയിലാണ് അധികൃതര്‍. ഒരു ഡോസ് വാക്സിന്‍ സ്വീകരിച്ചവര്‍ക്ക് ഈ ആനുകബല്യം ലഭിക്കുന്നതല്ല. കൊവിഡ് പ്രതിരോധ വാക്സിൻ രണ്ട് ഡോസ് സ്വീകരിച്ചവർക്കാണ് ഇളവിന് അർഹതയുള്ളത്.

അതേസമയം ജി.സി.സി രാജ്യങ്ങളുടെ പൗരൻമാർ, അവരുടെ കുടുംബാംഗങ്ങൾ, അവരുടെ വീട്ടുജോലിക്കാർ എന്നിവർ വാക്​സിൻ എടുത്താണ്​ വരുന്നതെങ്കിൽ അവർക്ക്​ ഖത്തറിൽ ക്വാറൻറീൻ വേണ്ട എന്ന നയം പ്രഖ്യാപിച്ചു. മേയ്​ ഏഴ്​ മുതൽ ഈ തീരുമാനം പ്രാബല്യത്തിൽ വന്നു. ഖത്തർ പൊതുജനാരോഗ്യമന്ത്രാലയം അംഗീകരിച്ച പട്ടികയിലുള്ള വാക്​സിൻ രണ്ടുഡോസും സ്വീകരിച്ചവരാകണം ഇത്​.

ഇവരുടെ കൈവശം മുൻകൂർ കോവിഡ്​ നെഗറ്റവീവ്​ ഫലം ഉണ്ടായിരിക്കേണ്ടതാണ്. അതത്​ രാജ്യങ്ങളിലെ ആരോഗ്യമന്ത്രാലയം അംഗീകരിച്ച ലാബുകളിൽ നിന്നുള്ള യാത്ര പുറപ്പെടുന്നതിന്​ 72 മണിക്കൂർ മുമ്പുള്ള പരിശോധനഫലം ആയിരിക്കണം ഇത്​. കോവിഡ്​ വാക്​സിൻ രണ്ടുഡോസും സ്വീകരിച്ച്​​ 14 ദിവസം കഴിഞ്ഞ്​ ഖത്തറിൽ എത്തുന്നവർക്കാണ്​ ഇളവ്​. യാത്രക്കാർ വാക്​സിൻ സ്വീകരിച്ചതിൻെറ ഔദ്യോഗിക രേഖ കാണിക്കേണ്ടതാണ്.