ആഗസ്ത് 1 മുതല് സൗദിയില് എവിടെ പ്രവേശിക്കണമെങ്കിലും വാക്സിനേഷന് സര്ട്ടിറിക്കറ്റ് വേണ്ടിവരും: ജോലിക്ക് മാത്രമല്ല ഇനിമുതൽ പുറത്തിറങ്ങാനും വേണം വാക്സിൻ! നടപടികൾ കടുപ്പിച്ച് സൗദി അറേബ്യ, പ്രവാസികളെ വാക്സിൻ സ്വീകരിച്ചില്ലേൽ....
കൊറോണ എന്ന മഹാമാരിയെ ഈ ലോകത്ത് നിന്ന് ഒരു പരിധിവരെയെങ്കിലും പിടിച്ചുനിർത്തണമെങ്കിൽ വാക്സിൻ എടുക്കേണ്ടത് അത്യന്താപേക്ഷിതമാണ്. ലോര്ഷ്ട്രങ്ങൾ ഇപ്പോൾ അത്തരമൊരു കർത്തവ്യത്തിലേക്ക് ധ്രുതഗതിയിൽ നീങ്ങുകയാണ്. ആയതിനാൽ തന്നെ പ്രവാസികൾ ഏവരും പ്രതീക്ഷയോടെ ഉറ്റുനോക്കുന്നതും അത് തന്നെയാണ്. പല രാഷ്ട്രങ്ങളും വാക്സിൻ സ്വീകരിക്കുന്നവർക്ക് ആനുകൂല്യങ്ങളും സമ്മാനങ്ങളും നൽകുമ്പോൾ ഗൾഫ് രാഷ്ട്രങ്ങൾ നിബന്ധനകൾ കടുപ്പിക്കുകയാണ്. ഇപ്പോഴിതാ അത്തരത്തിൽ ഒരു നിബന്ധനയാണ് സൗദി അറേബ്യ മുന്നോട്ട് വയ്ക്കുന്നത്.
ആഗസ്ത് 1 മുതല് സൗദിയില് എവിടെ പ്രവേശിക്കണമെങ്കിലും വാക്സിനേഷന് സര്ട്ടിറിക്കറ്റ് വേണ്ടിവരുമെന്നാണ് റിപ്പോർട്ട്. ഇതുമായി ബന്ധപ്പെട്ട് സുപ്രധാന തീരുമാനം ആഭ്യന്തര മന്ത്രാലയം കൈക്കൊണ്ടതായി പ്രാദേശിക മാധ്യമങ്ങള് റിപ്പോര്ട്ട് ചെയ്തിരിക്കുകയാണ്. സൗദിയില് എന്തെങ്കിലും ആവശ്യത്തിന് പുറത്തിറങ്ങണമെങ്കില് തന്നെ വാക്സിനേഷന് നിര്ബന്ധമാവും എന്ന രീതിയിലേക്കാണ് കാര്യങ്ങളുടെ പോക്കെന്നാണ് ആകെ വിലയിരുത്തപ്പെടുന്നത്. ആരോഗ്യമന്ത്രാലയം ഉള്പ്പെടെയുള്ളവരുമായി കൂടിയാലോചിച്ച ശേഷമാണ് ഇത്തരമൊരു കര്ശനമായ തീരുമാനത്തിലേക്ക് എത്തിയതെന്നും ആഭ്യന്തര മന്ത്രാലയം വക്താവ് അറിയിക്കുകയുണ്ടായി.
അതോടപ്പം തന്നെ രാജ്യത്തെ സ്വദേശികള്ക്കും വിദേശികള്ക്കും ഈ തീരുമാനം ഒരു പോലെ ബാധകമാണ്. പൊതുഗതാഗത സംവിധാനങ്ങള് ഉപയോഗിക്കക്കാനും സര്ക്കാര്, സ്വകാര്യ സ്ഥാപനങ്ങളിലും ഓഫീസുകളിലും പ്രവേശിക്കാനും ആഗസ്ത് ഒന്നു മുതല് വാക്സിന് സ്വീകരിച്ചു എന്നതിന് തെളിവ് ഹാജരാക്കണം. ഷോപ്പിംഗ് മാളുകള്, ഹോട്ടലുകള്, റസ്റ്റൊറന്റുകള് ഉള്പ്പെടെയുള്ള വ്യാപാര സ്ഥാപനങ്ങള്, സാംസ്കാരിക, വിനോദ, കായിക കേന്ദ്രങ്ങള് എന്നിവിടങ്ങളിലും പ്രവേശിക്കാനും സാംസ്കാരിക, കലാ, സാഹിത്യ പരിപാടികളില് സംബന്ധിക്കാനും വാക്സിനേഷന് നിര്ന്ധമാക്കിയിട്ടുണ്ട്.
ഇതിനു പുറമെ രാജ്യത്തെ എല്ലാ സര്ക്കാര്, സ്വകാര്യ ഓഫീസുകളിലും വിദ്യാഭ്യാസ സ്ഥാപനങ്ങളിലും പ്രവേശനം ലഭിക്കണമെങ്കിലും വാക്സിന് എടുത്തവര്ക്കു മാത്രമേ സാധിക്കുകയുള്ളു. അതോടൊപ്പം തന്നെ അടുത്ത സെമസ്റ്റര് മുതല് എല്ലാ അധ്യാപകരും സ്കൂള് ക്ലാസ്സുകളില് തിരികെയെത്തുമെന്നും മന്ത്രാലയം വക്താവ് അറിയിക്കുകയുണ്ടായി. സൗദി അറേബ്യ അംഗീകരിച്ച വാക്സിന് സ്വീകരിക്കാത്തവര്ക്ക് പൊതു ഗതാഗതം ഉള്പ്പെടെയുള്ള സേവനങ്ങള് ഉപയോഗിക്കാനാവില്ലെന്നും അധികൃതര് വ്യക്തമാക്കി.
നേരത്തേ രാജ്യത്തെ ജീവനക്കാര്ക്ക് ജോലി സ്ഥലങ്ങളില് പ്രവേശനം അനുവദിക്കണമെങ്കില് വാക്സിനേഷന് സര്ട്ടിഫിക്കറ്റോ കൊവിഡ് നെഗറ്റീവാണെന്നതിനുള്ള സര്ട്ടിഫിക്കറ്റോ വേണമെന്ന് സൗദി ആഭ്യന്തര മന്ത്രാലയം നേരത്തേ ഉത്തരവിട്ടിരുന്നു.
https://www.facebook.com/Malayalivartha
