യുഎഇ നിരവധി വർഷങ്ങളായി വാട്സാപ്പ് കോളുകൾക്ക് നിരോധനം ഏർപ്പെടുത്തിയിരിക്കുന്നു സാഹചര്യത്തിൽ ഏവരും ആശ്രയിക്കുന്നത് മറ്റു മാധ്യമങ്ങളാണ്. അതോടൊപ്പം തന്നെ വാട്സാപ്പ് മെസ്സേജുകൾ ചെയ്യുവാൻ സാധിക്കും. സമൂഹമാധ്യമങ്ങളിൽ ഏറ്റവും പ്രചാരം ഉള്ളത് ഫേസ്ബുക്ക് വാട്സാപ്പ് എന്നിവ തന്നെയാണ്. ഇതൊക്കെയും ഉപയോഗിക്കുമ്പോൾ കൂടുതൽ ജാഗ്രത വേണം എന്ന് അതികൃതർ കൃത്യമായി നിത്യവും ഓര്മപ്പെടുത്താറുണ്ട്. ഫോൺ എന്റേതാണ് എനിക്ക് എന്തും പറയാം എന്ന് കരുതിയ നിങ്ങൾക്ക് തെറ്റി. പണി പിന്നാലെ തന്നെ വരും. അതുകൊണ്ടല്ലേ സുരക്ഷയുടെ കാര്യത്തിൽ ലോകരാഷ്ട്രങ്ങളിൽ യുഎഇ ഒന്നാമത് തന്നെ നിൽക്കുന്നത്. അത്തരത്തിൽ ഒരു സംഭവമാണ് പുറത്ത് വന്നിരിക്കുന്നത്.

വാട്സ്‍ആപ് വോയിസ് മെസേജിലൂടെ മറ്റൊരാളെ അസഭ്യം പറഞ്ഞതിന് യുവാവിന് 10,000 ദിര്‍ഹം പിഴ നൽകിയിരിക്കുകയാണ് അധികൃതർ. കേസില്‍ നേരത്തെ പ്രാഥമിക കോടതി പുറപ്പെടുവിച്ച വിധി അല്‍ ഐന്‍ അപ്പീല്‍ കോടതി ശരിവെയ്‍ക്കുകയായിരുന്നു. പിഴത്തുക കൂട്ടണമെന്ന് പരാതിക്കാരന്‍ ആവശ്യപ്പെട്ടെങ്കിലും കോടതി ഈ ആവശ്യം നിരസിക്കുകയും ചെയ്തു.

പരാതിക്കാരനെയും മാതാപിതാക്കളെയും അധിക്ഷേപിക്കുന്ന ഓഡിയോ സന്ദേശമാണ് പ്രതി വാട്‍സ്ആപ് വഴി അയച്ചത്. തനിക്കുണ്ടായ മാനനഷ്‍ടത്തിന് പകരമായി നഷ്‍ടപരിഹാരം ആവശ്യപ്പെട്ട് തെളിവ് സഹിതം പരാതി നല്‍കിയതിനെ തുടര്‍ന്ന് പ്രാഥമിക കോടതി 10,000 ദിര്‍ഹം പിഴ ശിക്ഷ വിധിച്ചു. എന്നാല്‍ താന്‍ നേരിട്ട അപമാനത്തിന് പകരമുള്ള നഷ്‍ടപരിഹാരമായി ഈ തുക അപര്യാപ്‍തമാണെന്ന് ആരോപിച്ച് പരാതിക്കാരന്‍ അപ്പീല്‍ കോടതിയെ സമീപിച്ചു. കേസ് പരിഗണിച്ച അപ്പീല്‍ കോടതി നഷ്‍ടപരിഹാരത്തുക ഉയര്‍ത്താതെ കീഴ്‍കോടതി വിധി ശരിവെയ്‍ക്കുകയായിരുന്നു.

അതേസമയം അറബ് ലോകത്തെ യുവജനതയ്ക്ക് കൂടുതല്‍ പ്രിയം സാമൂഹിക മാധ്യമങ്ങളോടെന്ന് സര്‍വേ റിപ്പോര്‍ട്ട്. മിഡില്‍ ഈസ്റ്റിലുള്ളവര്‍ ദിവസവും മൂന്നര മണിക്കൂറെങ്കിലും സാമൂഹിക മാധ്യമങ്ങള്‍ക്കായി മാത്രം മാറ്റിവെയ്ക്കുന്നെന്ന് സര്‍വേ ഫലം വ്യക്തമാക്കുന്നുണ്ട്. ന്യൂ മീഡിയ അക്കാദമി പ്രസിദ്ധീകരിച്ച സര്‍വേയിലാണ് ഇക്കാര്യങ്ങള്‍ വ്യക്തമാക്കിയിട്ടുള്ളത്. സാമൂഹിക മാധ്യമങ്ങളില്‍ യുഎഇയിലെ ഉപയോക്താക്കള്‍ക്ക് പത്തില്‍ കൂടുതല്‍ അക്കൗണ്ടുകള്‍ ഉണ്ട്. 79 ശതമാനം അറബ് യുവാക്കളും വിവരങ്ങള്‍ക്കായി ആദ്യം ആശ്രയിക്കുന്നത് സോഷ്യല്‍ മീഡിയയെ ആണ്. എന്തൊക്കെ ആയാലും സമൂഹമാധ്യമങ്ങൾ ഉപയോഗിക്കുമ്പോൾ അല്പം സൂക്ഷിക്കുക. കാരണം വെറുതെ ക്ഷമ ചോദിച്ച് പരിഹരിക്കാമെന്ന് വിശ്വസിക്കേണ്ട. കാരണം അത് ദുബായ് പൊലീസാണ്.