കൊറോണ വ്യാപനത്തെ പിടിച്ചുനിർത്താൻ ഗൾഫ് രാഷ്ട്രങ്ങൾ വാക്‌സിൻ നിര്ബദ്ധമാക്കിയിരിക്കുകയാണ്. ഡ്രൈവ് ത്രൂ സംവിധാനം ഉൾപ്പടെ ഏർപ്പെടുത്തി യുഎഇ ഉൾപ്പടെയുള്ള രാഷ്ട്രങ്ങൾ വാക്‌സിൻ അതിവേഗം ഏവരിലും നല്കിവരുകയാണ്. എന്നാൽ അതിനേക്കാളേറെ സുതാര്യമായ മാർഗം നൽകി വാക്‌സിനേഷൻ വ്യാപിപ്പിക്കുകയാണ് അധികൃതർ. ദുബായിലെ താമസക്കാർക്ക് വാക്​സിനേഷൻ ബുക്ക്​ ചെയ്യാൻ ഇനിമുതൽ വാട്​സ്​ആപ്​ തന്നെ ധാരാളം. പ്രവാസികൾ ഉൾപ്പെടെയുള്ളവർക്ക് വളരെ എളുപ്പമായി തന്നെ വാക്‌സിൻ ലഭ്യമാകുന്നതാണ്.

800342 എന്ന നമ്പറിലേക്ക്​ 'ഹായ്​' എന്ന്​ ഇംഗ്ലീഷിൽ ടൈപ്​ ചെയ്​ത്​ അയക്കുന്നതോടെ നിങ്ങളുടെ ബുക്കിങ്​ നടപടികൾ തുടങ്ങുന്നതായിരിക്കും. ദുബായ് ഹെൽത്ത്​ അതോറിറ്റിയാണ്​ സൗകര്യമൊരുക്കിയിരിക്കുന്നത്​. നിർമിത ബുദ്ധിയുടെ സഹായത്തോടെയാണ്​ പദ്ധതി നടത്തുന്നത്​. വാക്​സിൻ കേന്ദ്രങ്ങളും സമയവും തെരഞ്ഞെടുക്കാൻ ഇതുവഴി സാധിക്കുന്നതാണ്. 24 മണിക്കൂറും സേവനമാണ്​ മറ്റൊരു പ്രത്യേകത എന്നത്. കോവിഡ്​ സംശയങ്ങൾക്ക്​ മറുപടി നൽകാൻ​ വാട്​സ്​ആപ്​ സൗകര്യം നേരത്തെ തന്നെ ഏർപ്പെടുത്തിയിരുന്നു. ഇതുവരെ ഒന്നരലക്ഷം പേരാണ്​ ഇതുപയോഗിച്ചത്​. എന്നാൽ, വാക്​സിനേഷൻ ബുക്ക്​ ചെയ്യാൻ ഇതിൽ സൗകര്യം ലഭിച്ചിരുന്നില്ല.

അതേസമയം രാജ്യത്ത്​ നൂറു ശതമാനം വാക്​സിനേഷൻ എന്ന ലക്ഷ്യത്തി‍െൻറ ഭാഗമായാണ്​ പുതിയ സംവിധാനം ഏർപ്പെടുത്തിയത്​. ഇത്​ കൂടുതൽ ആളുകളെ വാക്​സിനെടുക്കാൻ പ്രേരിപ്പിക്കുകയും സഹായിക്കുകയും ചെയ്യുമെന്ന്​ കരുതുന്നതായി അധികൃതർ വ്യക്തമാക്കി. എന്നാൽ ഇന്ത്യയിലെ സന്ദർശക വിസക്കാർക്ക്​ വാക്​സിനേഷൻ ഇപ്പോഴും ലഭ്യമല്ല. സമൂഹത്തെ സംരക്ഷിക്കാൻ വാട്​സ്​ആപ്പും​ ഡി.എച്ച്​.എയുമായി സഹകരിക്കുന്നതിൽ സന്തോഷമുണ്ടെന്നും മുൻകാലങ്ങളിലേക്കാൾ സഹകരണത്തിന്​ പ്രാധാന്യം നൽകേണ്ട കാലമാണിതെന്നും ഫേസ്​ബുക്ക്​ മെന മേഖല മാനേജിങ്​ ഡയറക്​ടർ റമിസ്​ ഷെഹാദി വ്യക്തമാക്കി.

എങ്ങനെ ബുക്ക്​ ചെയ്യാം;

800342 എന്ന നമ്പർ ഫോണിലെ കോൺടാക്​ട്​ ലിസ്​റ്റിൽ ചേർത്ത ശേഷം ഈ നമ്പറിലേക്ക്​ ഹായ്​ (Hi) എന്ന്​ മെസേജ്​ ചെയ്യുക. ഉടൻ നിങ്ങൾക്ക്​ നന്ദി അറിയിച്ച്​ മെസേജ്​ തിരിച്ച് വരുന്നതാണ്. ഒപ്പം ഇംഗ്ലീഷോ അറബിയോ ഭാഷ തെരഞ്ഞെടുക്കാനും നിർദേശം ലഭിക്കും. 2 എന്ന മെസേജ്​ റിപ്ളേ ചെയ്യുന്നതോടെ ഇംഗ്ലീഷിൽ വിവിധ ഓപ്​ഷനുകൾ വരുന്നതായിരിക്കും. മൂന്നാം നമ്പറായാണ്​ വാക്​സിനേഷൻ ബുക്കിങ്​.

ആർക്ക്​ വാക്​സിനെടുക്കാൻ കഴിയില്ല എന്നുള്ള അറിയിപ്പും ഇതോടൊപ്പം ലഭിക്കും. വാട്​സ്​ആപ്പിൽ മെഡിക്കൽ റെക്കോഡ്​ നമ്പർ (എം.ആർ.എൻ) രജിസ്​റ്റർ ചെയ്യാനുള്ള നിർദേശം ലഭിക്കുന്നതാണ്. ഇതിനായി ഒരു ലിങ്കും നല്കിയിട്ടുണ്ടാകും. ഈ ലിങ്ക്​ വഴി കയറിയാണ്​ രജിസ്​റ്റർ ചെയ്യേണ്ടേത് തന്നെ​. ഈ ലിങ്കിൽ രജിസ്​റ്റർ ചെയ്​തശേഷം സബ്​മിറ്റ്​ ചെയ്ത ശേഷം mrlinked എന്ന മെസേജ്​ ചെയ്യണം. ഇതിനുശേഷം സെൻററുകളും ഡേറ്റും സമയവും തെരഞ്ഞെടുക്കാനുള്ള ഓപ്​ഷൻ വാട്​സ്​ആപ്പിൽ മെസേജായി ലഭിക്കും. ഇത്​ തെരഞ്ഞെടുക്കുന്നതോടെ കൺഫർമേഷൻ മെസേജ്​ മൊബൈലിൽ എത്തും.