പിതാവിനെ കുത്തിക്കൊല്ലാന്‍ ശ്രമിച്ച മകള്‍ രണ്ടാം നിലയില്‍ നിന്നും ചാടി ആത്മഹത്യയ്ക്ക് ശ്രമിച്ചു. പരുക്ക് പറ്റിയ ഇരുവരെയും ആശുപത്രിയില്‍ പ്രവേശിപ്പിച്ചു. സൗദിയിലാണ് സംഭവം നടന്നത്. ഒരു ഗള്‍ഫ് മാധ്യമമാണ് ഇക്കാര്യം റിപ്പോര്‍ട്ട് ചെയ്തത്.
പിതാവിന്റെ നെഞ്ചില്‍ കത്തികൊണ്ട് കുത്തിയ ശേഷം ഫഌറ്റില്‍ നിന്നും മകള്‍ താഴേക്ക് ചാടുകയായിരുന്നു. എന്നാല്‍ യുവതി ഇത്തരത്തില്‍ പിതാവിനെ ആക്രമിച്ചതും ആത്മഹത്യയ്ക്ക് ശ്രമിച്ചതും എന്തിനെന്ന് വ്യക്തമല്ലെന്ന് പോലീസ് പറഞ്ഞു. സംഭവത്തില്‍ പോലീസ് അന്വേഷണം ആരംഭിച്ചിട്ടുണ്ട്.
പരുക്കുകളോടെ ആശുപത്രിയില്‍ പ്രവേശിപ്പിച്ച അച്ഛനും മകളും അപകടനില തരണം ചെയ്തതായി ആശുപത്രി അധികൃതര്‍ അറിയിച്ചു. ഇരുവരുടെയും നില മെച്ചപ്പെട്ട് മൊഴി എടുക്കാന്‍ കഴിഞ്ഞാലെ സംഭവത്തിന് പിന്നിലെ കാരണം വ്യക്തമാകൂ എന്ന് പോലീസ് വ്യക്തമാക്കി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha