പെപ്‌സി സ്റ്റിക്കറൊട്ടിച്ച് സൗദിയിലേക്ക് കടത്താന്‍ ശ്രമിച്ച 48,000 ക്യാന്‍ ബിയര്‍ പിടിച്ചു
പെപ്‌സി ക്യാനുകളെന്ന വ്യാജേന സൗദി അറേബ്യയിലേക്ക് കടത്താന്‍ ശ്രമിച്ച 48,000 ക്യാന്‍ ബിയര്‍ കസ്റ്റംസ് പിടികൂടി. കസ്റ്റംസ് ഉദ്യോഗസ്ഥര്‍ ട്വിറ്ററിലൂടെയാണ് ഇക്കാര്യം പുറത്തുവിട്ടത്.
അല്‍ബതാ അതിര്‍ത്തിയിലൂടെയാണ് അനധികൃതമായി ബിയര്‍ വന്‍തോതില്‍ കടത്താന്‍ ശ്രമം നടന്നത്. ബിയര്‍ ബോട്ടിലുകളുടെ പുറത്ത് പെപ്‌സി സ്റ്റിക്കറുകള്‍ ഒട്ടിച്ചാണ് തട്ടിപ്പ് നടന്നത്. എന്നാല്‍ ഇവ പരിശോധനയ്ക്ക് വിധേയമാക്കിയ ഉദ്യോഗസ്ഥര്‍ സ്റ്റിക്കറുകള്‍ പൊളിച്ചുനോക്കാന്‍ ഇടയാക്കിയതാണ് കള്ളത്തരം പുറത്തായത്. ക്യാനിലെ പെപ്‌സി സ്റ്റിക്കര്‍ പൊളിക്കുമ്പോള്‍ ബിയറിന്റെ സ്റ്റിക്കര്‍ വ്യക്തമാകുന്ന ഒരു വീഡിയോ ദൃശ്യവും അധികൃതര്‍ പുറത്തുവിട്ടിട്ടുണ്ട്. മദ്യം ഉല്‍പ്പാദിപ്പിക്കുന്നതിനും കുടിക്കുന്നതിനും കര്‍ശന നിരോധനം ഏര്‍പ്പെടുത്തിയിട്ടുള്ള രാജ്യമാണ് സൗദി അറേബ്യ.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
