ഓടിക്കൊണ്ടിരുന്ന കാറിലിടിച്ച് ഒട്ടകം അകത്തായി, യാത്രക്കാരന് പുറത്തുമായി
ഒരു നിമിഷം കൊണ്ട് റോഡിലൂടെ പോയ ഒട്ടകം കാറിന്റെ ഡ്രൈവറായി. ഡ്രൈവറാകട്ടെ തെറിച്ച് റോഡിലും. രാജ്യങ്ങളിലെ റോഡുകളില് ഒട്ടകത്തെ തട്ടി വാഹനങ്ങള് അപകടത്തില് പെടുന്നത് പതിവാണ്. ഇത്തരമൊരു അപകടത്തില് കാറിനുള്ളില് ഒട്ടകം കുടുങ്ങുകയും യാത്രക്കാരന് പുറത്തെത്തുകയും ചെയ്ത വീഡിയോയാണ് നവമാധ്യമങ്ങളില് ഇപ്പോള് പ്രചരിച്ചുകൊണ്ടിരിക്കുന്നത്. സൗദി അറേബ്യയില് നിന്നാണ് വീഡിയോ ചിത്രീകരിച്ചതെന്നാണ് കരുതുന്നത്. അപകടം നടന്ന ഉടന് തന്നെ എടുത്ത വീഡിയോയാണ് പ്രചരിക്കുന്നത്.
അപകടത്തിന് ശേഷം മുന് ചില്ല് തകര്ത്ത് കാറിന്റെ അകത്ത് ആയ ഒട്ടകം മുന് സീറ്റില് കുടുങ്ങുകയായിരുന്നു. ശരീരമാസകലം മുറിവുമായി പുറത്ത് നില്ക്കുന്ന യാത്രക്കാരന് വെള്ളമുപയോഗിച്ച് മുറിവുകള് കഴുകുന്നതും ദൃശ്യത്തിലുണ്ട്.
കാറിന്റെ മുന്നിലെയും പിന്നിലെയും ചില്ലുകള്ക്കൊപ്പം മുകള് ഭാഗവും തകര്ന്ന നിലയിലായിരുന്നു. കാറിന്റെ ഡോര് തുറന്ന് ഒട്ടകത്തെ പുറത്താക്കാന് ശ്രമിക്കുന്നുണ്ടെങ്കിലും വിജയിക്കുന്നില്ല. അപകടം കണ്ട് റോഡരികില് മറ്റു കാറുകള് നിര്ത്തിയിട്ടിരിക്കുന്നതും വീഡിയോയിലുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha