വാഹനങ്ങൾക്ക് നടുവിൽ നിന്ന് ഭാര്യയുടെ സ്നേഹം പരീക്ഷിച്ച ഭർത്താവ് ആശുപത്രിയിൽ
ഭാര്യയുമായുണ്ടായ തർക്കത്തിനൊടുവിൽ ഭാര്യയുടെ സ്നേഹം അളക്കാൻ തിരക്കേറിയ റോഡിനു നടുവിൽ നിന്നയാളെ വാഹനമിടിച്ചു. ചൈനയിലെ ഷിൻജിയാങ് പ്രവിശ്യയിലാണ് സംഭവം നടന്നത്. യുവാവും ഭാര്യയും റോഡിൽ നിന്നു വഴക്കിടുന്നത് ദൃശ്യങ്ങളിൽ കാണാം. വാഹനങ്ങൾ കടന്നു പോകുന്ന റോഡിന്റെ നടുവിൽ നില്ക്കുന്ന ഭര്ത്താവിനെ പിടിച്ചു വലിച്ചു സുരക്ഷിതനാക്കാൻ ഭാര്യ ശ്രമിക്കുന്നുണ്ട്. എന്നാൽ ഇയാൾ ബലം പിടിക്കുകയും റോഡിനു നടുവിൽ നിന്നു മാറാൻ സമ്മതിക്കുന്നുമില്ല. തുടർന്നും റോഡിനു നടുവിൽ നിൽക്കുമ്പോഴാണ് ഒരു വാഹനം ഇടിച്ചു തെറിപ്പിച്ചത്.
നെഞ്ചിലും തലയിലും പരുക്കേറ്റ ഇയാളെ ഉടനെ ആശുപത്രിയിൽ പ്രവേശിപ്പിച്ചു. സ്ഥിതി ഗുരുതരമല്ല. ഭാര്യയുടെ സ്നേഹം പരീക്ഷിക്കാനാണു താൻ റോഡിൽ നിന്നതെന്ന് ഇയാൾ പൊലീസുകാരോട് പറഞ്ഞു. സ്നേഹമുണ്ടെങ്കിൽ ഭാര്യ തന്നെ പിന്നിലേക്ക് വലിച്ചു രക്ഷപ്പെടുത്തും എന്നാണ് ഇയാൾ പറഞ്ഞത്. ഇയാൾ മദ്യപിച്ചിരുന്നതായും സംഭവത്തെക്കുറിച്ചു കൂടുതൽ അന്വേഷിക്കുമെന്നും പൊലീസ് അറിയിച്ചു. ഇതിന്റെ ദൃശ്യങ്ങൾ ഇതിനോടകം തന്നെ സമൂഹ മാധ്യമങ്ങളിൽ വൈറലായിട്ടുണ്ട്.
https://www.facebook.com/Malayalivartha