വടക്കന് അഫ്ഗാനിസ്ഥാനില് പോലീസ് ആസ്ഥാനത്തിനു നേരെയുണ്ടായ താലിബാന് ബോംബ് ആക്രമണത്തില് 13 പേര് കൊല്ലപ്പെട്ടു. നിരവധി പേര്ക്ക് പരിക്ക്
06 MAY 2019 09:40 AM IST
മലയാളി വാര്ത്ത
വടക്കന് അഫ്ഗാനിസ്ഥാനില് പോലീസ് ആസ്ഥാനത്തിനു നേരെയുണ്ടായ താലിബാന് ബോംബ് ആക്രമണത്തില് 13 പേര് കൊല്ലപ്പെട്ടു. നിരവധി പേര്ക്ക് പരിക്കേല്ക്കുകയും ചെയ്തു. ബാഗ്ലാന് പ്രവിശ്യയിലെ പുല് ഇ ഖുമരിയില് ഞായറാഴ്ചയായിരുന്നു ആക്രമണം ഉണ്ടായത്. സ്ഫോടക വസ്തുക്കള് നിറച്ച കവചിത വാഹനം പോലീസ് ആസ്ഥാനത്തിനു മുന്നിലെ കവാടത്തിലേക്ക് ചാവേര് ഓടിച്ചുകയറ്റിയതോടെയാണ് സംഘര്ഷം ആരംഭിച്ചത്.
സ്ഫോടനത്തിനു പിന്നാലെ താലിബാന് ഭീകരര് പോലീസ് ആസ്ഥാനത്തേക്ക് ഇരച്ചുകയറി. പോലീസിനു നേര്ക്ക് വെടിയുതിര്ത്തു. പോലീസും ശക്തമായി തിരിച്ചടിച്ചു. ഏറ്റുമുട്ടലില് എട്ട് താലിബാന് ഭീകരര് കൊല്ലപ്പെട്ടു. സ്ഫോടനത്തില് അമ്പതോളം പേര്ക്കാണ് പരിക്കേറ്റത്. ഇതില് 20 പേര് സാധാരണക്കാരാണ്. ആക്രമണത്തില് കുട്ടികളും കൊല്ലപ്പെട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
