ഭീകരമിത്!!!കണ്ടെയ്നറിനുള്ളില് 39 മൃതദേഹങ്ങള്; ഞെട്ടലോടെ ലോകം
ലോകം ഏറെ ഞെട്ടുന്ന ഒരു വാർത്തയാണ് ഇപ്പോൾ പുറത്ത് വരുന്നത്. ഒരു കണ്ടെയ്നറിനുള്ളിൽ നിന്നും 39 മൃതദേഹങ്ങള്. കിഴക്കന് ലണ്ടനിൽ നിന്നും പുറത്ത് വന്ന ഈ വാർത്തയിൽ അറിഞ്ഞ് ലോകമാകെ ഞെട്ടിയിരിക്കുകയാണ്. വാർത്തയിലേക്ക്. കിഴക്കന് ലണ്ടനിലെ ഗ്രേസിലാണ് കണ്ടെയ്നർ കണ്ടെത്തിയത്. കണ്ടെയ്നറിന്റെ ഉള്ളിൽ നിന്നും 39 മൃതദേഹങ്ങള് കണ്ടെത്തിയെന്ന് ബ്രിട്ടിഷ് പൊലീസ് അറിയിച്ചു. ബള്ഗേറിയയില്നിന്നുള്ള കണ്ടെയ്നര് ആയിരിക്കാമെന്നാണ് പ്രാഥമിക നിഗമനം. ഗ്രേസിലെ ഒരു വ്യവസായ പാര്ക്കിനുള്ളില് നിന്നുമാണ് മൃതദേഹങ്ങള് അടങ്ങിയ കണ്ടെയ്നര് കണ്ടെത്തിയത്. ഇത്തരത്തിൽ ഒരു സംഭവം തികച്ചും ദൗര്ഭാഗ്യകരമാണെന്ന് എസെക്സ് പൊലീസ് അറിയിക്കുയുണ്ടായി. കണ്ടെയ്നറിന്റെ ഉള്ളിൽ എങ്ങനെ 39 മൃതദേഹങ്ങള് വന്നുവെന്നും എന്താണ് സംഭവിച്ചതെന്നുംവിശദമായി അന്വേഷിക്കാൻ പോലീസ്ആരംഭിച്ചു.ഈ സംഭവം കാര്യ ക്ഷമമായി തന്നെ അന്വേഷിക്കുമെന്ന് ബ്രിട്ടീഷ് പ്രധാന മന്ത്രി ബോറിസ് ജോൺസൻ പറഞ്ഞു.
വാഹനം ഓടിച്ച് വന്ന ഡ്രൈവറെ അന്വേഷണത്തിന്റെ ഭാഗമായി പൊലീസ് അറസ്റ്റ് ചെയ്യുകയുണ്ടായി. ഡ്രൈവർ 25 വയസ്സുകാരനാണ്. ഇയാൾ വടക്കൻ അയർലൻഡ് സ്വദേശി കൂടിയാണ്. ആ മൃതദേഹങ്ങളിൽ ഒരു കുട്ടിയുമുൾപ്പെടുമെന്ന് എസെക്സ് പൊലീസ് അറിയിച്ചു. ബുധനാഴ്ച പുലർച്ചെ 1.40നായിരുന്നു സംഭവം അറിഞ്ഞത്. അപ്പോൾ തന്നെ ആംബുലൻസുള്പ്പെടെയുള്ള സൗകര്യങ്ങൾ സ്ഥലത്ത് എത്തിച്ചിരുന്നതായി പൊലീസ് പറഞ്ഞു.പ്രാദേശിക സമയം പുലര്ച്ചെ രണ്ട് മണിയോടെയാണ് പോലീസ് സംഘം ലോറി പരിശോധിച്ചത്. അപ്പോഴായിരുന്നു ഈ ഞെട്ടിക്കുന്ന കാഴ്ച്ച കണ്ടത്. ബള്ഗേറിയയില് രജിസ്റ്റര് ചെയ്ത ലോറി കഴിഞ്ഞ ശനിയാഴ്ചയാണ് ബ്രിട്ടനില് പ്രവേശിച്ചതെന്ന് പോലീസ് അന്വേഷണത്തില് തെളിഞ്ഞു. മൃതദേഹം കണ്ടെത്തിയ എസക്സില്നിന്നും ഏകദേശം 480 കിലോമീറ്ററോളം അകലെയുള്ള ഹോളിഹെഡ് തുറമുഖം വഴിയാണ് ലോറി ബ്രിട്ടനിലെത്തിയത്. അയര്ലന്ഡില്നിന്നും ബ്രിട്ടനിലേക്കുള്ള പ്രധാനപാതയാണിത്. ഏറെ ശ്രമകരമാണെങ്കിലും മരിച്ചവരെക്കുറിച്ചുള്ള വിവരങ്ങള് കണ്ടെത്താനുള്ള ശ്രമങ്ങള് തുടരുകയാണെന്നും ലോറി ഡ്രൈവറെ ചോദ്യം ചെയ്യുകയാണെന്നും അധികൃതര് അറിയിച്ചു. സംഭവത്തെ തുടര്ന്ന് ഇന്ഡസ്ട്രിയല് പാര്ക്ക് താത്കാലികമായി അടച്ചു.
ഡാർട്ട്ഫോർഡ് ക്രോസിംഗിന് സമീപമുള്ള സൈറ്റിലേക്ക് പാരാമെഡിക്കുകളെയും വിളിച്ചെങ്കിലും ലോറിയുടെ ഉള്ളിലുള്ള ആരെയും രക്ഷിക്കാനായില്ല. ഏരിയൽ ചിത്രങ്ങൾ പരിശോധിച്ചപ്പോൾ ലോറിയുടെ പുറകിൽ സ്ക്രീനുകൾ സ്ഥാപിച്ചിട്ടുണ്ടെന്നും ഫോറൻസിക് കൂടാരങ്ങൾ സമീപത്ത് സ്ഥാപിച്ചിട്ടുണ്ടെന്നും മനസിലാക്കൻ കഴിഞ്ഞു. ലോറി ബൾഗേറിയയിൽ നിന്നാണ് വന്നതെങ്കിൽ ഹോളിഹെഡ് വഴി ബ്രിട്ടനിലേക്ക് പോകുന്നത് തെറ്റായ മാർഗമാണ് എന്ന് അന്വേഷകർ കണ്ടെത്തി. ഡോവർ, കലൈസ് തുടങ്ങിയ സ്ഥലങ്ങളിൽ സുരക്ഷയും പരിശോധനയും വർദ്ധിപ്പിച്ചിട്ടുണ്ടെന്ന് ആളുകൾ പറയുന്നു, അതിനാൽ ചെർബർഗിൽ നിന്നോ റോസ്കോഫിൽ നിന്നോ റോസ്ലെയറിലേക്കും തുടർന്ന് ഡബ്ലിനിലേക്കുള്ള റോഡിലേക്കും പോകാനുള്ള എളുപ്പമാർഗ്ഗമായി ഈ വഴി ഉപയോഗിക്കുന്നു. ഏതായാലും ഇതിന് പിന്നിലുള്ള രഹസ്യം അറിയാൻ ലോകം കാത്തിരിക്കുന്നു.
https://www.facebook.com/Malayalivartha