വാട്സാപ്പിനെ കറുപ്പിക്കാൻ ഡാർക്ക് തീം എത്തി ; തിരെഞ്ഞെടുത്ത ആൻഡ്രോയിഡ് ഫോണുകളിൽ ആണ് ഈ പുതിയ ഫീച്ചർ ലഭ്യമാകുക
ഉപയോക്താക്കളുടെ ഏറെ നാളത്തെ കാത്തിരിപ്പിനു വിരാമമിട്ടുകൊണ്ട് വാട്സാപ്പിൽ ഡാർക്ക് തീം എത്തിയിരിക്കുന്നു. വാട്ട്സ്ആപ്പ് തെരഞ്ഞെടുത്ത ആന്ഡ്രോയ്ഡ് ഉപയോക്താക്കള്ക്ക് മാത്രമേ നിലവിൽ ഈ ഫീച്ചര് ലഭ്യമാകുകയുള്ളു. ഐഫോണില് ഈ ഫീച്ചര് ഇപ്പോള് ലഭ്യമാകുകയില്ല. ആപ്പിന്റെ ഏറ്റവും പുതിയ ബീറ്റ പതിപ്പിലാണ് ഈ ഫീച്ചര് അവതരിപ്പിച്ചിരിക്കുന്നത്. ബീറ്റ പ്രോഗ്രാം എനെബിള് ചെയ്തവർക്ക് മാത്രമാണ് ഇത് ലഭിക്കുക.
പുതിയ സവിശേഷത വരുന്നതോടെ ആപ്പ് ഉപയോഗിക്കുന്നവർക്ക് ആവശ്യമുണ്ടെങ്കിൽ ഡാർക്ക് തീം തിരഞ്ഞെടുക്കാം. ഇരുണ്ട ചാര നിറത്തിലാണ് വാട്സ്ആപ്പ് ഡാർക്ക് മോഡ് അവതരിപ്പിച്ചിരിക്കുന്നത്.
പല ആപ്പുകളിലും കറുപ്പ് നിറത്തിലാണ് ഡാർക്ക് മോഡ് ലഭിക്കുക. ചാറ്റുകൾ ഇരുണ്ട നിറത്തിലും,മെസേജുകൾ ഗ്രീൻ ബബിളുകളിലുമാണ് കാണുന്നത്. വാട്ട്സ്ആപ്പിന്റെ നിറമായ പച്ചയും വെള്ളയും എന്നതിൽ നിന്ന് പച്ച ഒഴിവാക്കാതെ അതിനൊത്ത ഇരുണ്ട നിറമാണ് പുതിയ ഫീച്ചറിൽ കമ്പനി അവതരിപ്പിചിരിക്കുന്നത്.
വാട്ട്സ്ആപ്പ് ഡാര്ക്ക് മോഡ് ഉപയോഗിക്കാന് താല്പ്പര്യമുള്ളവര്ക്ക് ഇത് പുതിയ ബീറ്റ പതിപ്പിലൂടെ അപ്ഡേറ്റ് ചെയ്തു ഉപയോഗിക്കാം. പ്ലേ സ്റ്റോറില് നിന്നോ, അല്ലെങ്കില് എപികെ ഫയലായോ ആൻഡ്രോയിഡിനായുള്ള വാട്ട്സ്ആപ്പിന്റെ ബീറ്റ ബീറ്റ പതിപ്പായ 2.20.13 ഡൗണ്ലോഡ് ചെയ്ത് ഉപയോഗിക്കാൻ സാധിക്കും.
https://www.facebook.com/Malayalivartha