തന്റെ ഈ ശീലം ഉള്ളവര്‍ക്ക് വൈറസ് ബാധയെ പ്രതിരോധിക്കാന്‍ കഴിയുമെന്ന് ട്രംപ്. മാത്രമല്ല ആളുകള്‍ തന്നെപ്പോലെ ജേമോഫോബ് ആയി കഴിഞ്ഞാൽ വൈറസ് ബാധയെ എളുപ്പത്തില്‍ പ്രതിരോധിക്കാമെന്നും അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് പറഞ്ഞു. ജേമോഫോബിയ എന്നാൽ കീടാണുക്കളോടുള്ള അമിതഭയമാണ് . ഇതൊരു സ്വഭാവവൈകല്യമാണെന്ന് ഡോക്ടര്‍മാര്‍ പറയുന്നുവെന്നും അദ്ദേഹത്തെ പറഞ്ഞു.

വൈറ്റ് ഹൗസില്‍ നടത്തിയ പത്രസമ്മേളനത്തിനിടെ ട്രംപ് ഈ കാര്യം പറയുകയായിരുന്നു . വൃത്തിയെക്കുറിച്ച്‌ സംസാരിക്കവേ നിരന്തരമായി കൈകഴുകുക, ശുചിത്വം പാലിക്കുക. പൊതുസ്ഥലങ്ങളിലെ കൈവരികള്‍ ആവശ്യമെങ്കില്‍ മാത്രം ഉപയോഗിക്കുക ഇതെല്ലാം നല്ല ശീലങ്ങളാണെന്നും അദ്ദേഹം പറഞ്ഞു താന്‍ ഇടക്കിടെ കൈകള്‍ കഴുകാറുണ്ടെന്നും അടുത്ത് നിന്ന് ആരെങ്കിലും തുമ്മിയാല്‍ താന്‍ മാറി നില്ക്കുമെന്നും ട്രംപ് പറഞ്ഞു. അതിനിടെ ട്രംപ് തന്റെ ഒരു അനുഭവവും പങ്കുവെച്ചു. ഏതാനും ദിവസങ്ങള്‍ക്ക് മുന്‍പായിരുന്നു ഒരാള്‍ തന്നെ കാണാനെത്തിയത്. സുഖമാണോ എന്ന് താന്‍ അയാളോട് അന്വേഷിച്ച ശേഷം ഞങ്ങള്‍ പരസ്പരം ആശ്ലേഷിക്കുകയും ചെയ്തു. ഞാന്‍ വീണ്ടും അദ്ദേഹത്തോട് ചോദിച്ചു നിങ്ങള്‍ക്ക് സുഖം തന്നെയാണോ എന്ന്. അപ്പോള്‍ തനിക്ക് കഠിനമായ പനി ഉണ്ടെന്നായിരുന്നു മറുപടി കിട്ടിയത്. എന്നിട്ടും അദ്ദേഹം തന്നെ ആശ്ലേഷിക്കുകയും ചുംബിക്കുകയും ചെയ്തുവത്രേ . ഉടന്‍ തന്നെ താന്‍ അദ്ദേഹത്തോട് അനുവാദം ചോദിച്ചുകൊണ്ട് അകത്തേക്ക് പോയി കൈകള്‍ വൃത്തിയായി കഴുകിയെന്നും അദ്ദേഹം പറഞ്ഞു.