സോഷ്യല് മീഡിയയില് വൈറാലായി അമേരിക്കന് പ്രഥമ വനിത മെലാനിയ ട്രംപിൻറെ ട്വീറ്റ്
സോഷ്യല് മീഡിയയില് വൈറാലായി അമേരിക്കന് പ്രഥമ വനിത മെലാനിയ ട്രംപിൻറെ ട്വീറ്റ്. രണ്ട് ദിവസത്തെ ഇന്ത്യ സന്ദര്ശനത്തിന് ശേഷം തിരിച്ചെത്തിയ മെലാനിയ ട്രംപ് ട്വീറ്റ് ചെയ്ത ചിത്രങ്ങളും വീഡിയോയും ഇതിനകം തന്നെ സോഷ്യൽ മീഡിയയിൽ തരംഗമായി. ഡല്ഹിയിലെ സര്വോദയ സ്കൂള് സന്ദര്ശിച്ചപ്പോഴെടുത്ത ചിത്രങ്ങളാണ് മെലാനിയ പോസ്റ്റ് ചെയ്തത്. പരമ്ബരാഗത രീതിയിലുള്ള സ്വീകരണത്തിന് സര്വോദയ സ്കൂളിന് നന്ദി എന്നാണ് ചിത്രങ്ങള് ട്വീറ്റ് ചെയ്തുകൊണ്ട് മെലാനിയ കുറിച്ചത്.
സ്കൂളിലെ സന്ദര്ശനത്തിനിടെയുള്ള ഒരു വീഡിയോയും മെലാനിയ ട്വീറ്റ് ചെയ്തിട്ടുണ്ട്. 'ഡല്ഹിയിലെ സര്വോദയ സ്കൂളിലെ മറക്കാനാകാത്ത ഉച്ചനേരം. ചുറ്റും അതുല്യ പ്രതിഭകളായ വിദ്യാര്ത്ഥികളും അദ്ധ്യാപകരും. ഊഷ്മളമായ സ്വീകരണത്തിന് നന്ദി'- മെലാനിയ കുറിച്ചു.
ഡൊണാള്ഡ് ട്രംപിന്റെ ഇന്ത്യ സന്ദര്ശനത്തിന്റെ രണ്ടാം ദിനമായ ചൊവ്വാഴ്ചയാണ് മെലാനിയ സ്കൂളിലെത്തിയത്. കുട്ടികളുടെ സമ്മര്ദ്ദം ഇല്ലാതാക്കാന് ഡല്ഹി സര്ക്കാര് ആവിഷ്കരിച്ച 'സന്തോഷ ക്ലാസ്" പാഠ്യപദ്ധതി നേരിട്ട് കണ്ട് മനസിലാക്കുകയാണ് മെലാനിയയുടെ ലക്ഷ്യം. 2018ലാണ് ഒന്നു മുതല് എട്ടുവരെയുള്ള ക്ളാസുകളില് 'സന്തോഷം" പഠിപ്പിക്കാന് തുടങ്ങിയത്. ദിനവും 45 മിനിട്ട് ദൈര്ഘ്യമുള്ള സന്തോഷം പിരീഡില് കഥ പറച്ചില്, ധ്യാനം, ചോദ്യോത്തര വേള തുടങ്ങിയ പ്രവര്ത്തനങ്ങളിലൂടെ കുട്ടികളുടെ സമ്മര്ദ്ദം ഇല്ലാതാക്കും.
https://www.facebook.com/Malayalivartha