ദക്ഷിണ കൊറിയയെ ഭയത്തിലാഴ്ത്തി കോവിഡ്-19 . വേഗത്തിലാണ് ഇത് വ്യാപിക്കുന്നത്. ശനിയാഴ്ചയോടെ 483 പുതിയ കേസുകള്‍ സ്ഥിരീകരിച്ചതായി ആരോഗ്യ വിഭാഗം അറിയിക്കുകയും ചെയ്തു. ആകെ വൈറസ് ബാധിതരുടെ എണ്ണം 6767 ആയി ഉയര്‍ന്നു കഴിഞ്ഞു. മരണ സംഖ്യ 44 ആയും ഉയര്‍ന്നു. പുതിയതായി സ്ഥിരീകരിച്ച 483 കേസുകളില്‍ 390ഉം ഡേയ്ഗ് നഗരത്തിലാണ്.ദക്ഷിണ കൊറിയയില്‍ കൊറോണ ബാധ സ്ഥിരീകരിച്ചതില്‍ പകുതിയോളം പേരും പ്രാര്‍ഥനാ സംഘമായ ഷിന്‍ചെന്‍ജോയി ചര്‍ച്ചുമായി ബന്ധപ്പെട്ടവരാണ്.

പ്രാര്‍ഥനാ സംഗമത്തിലൂടെ കൊറോണ വൈറസ് ബാധയെ പ്രതിരോധിക്കാനാകുമെന്ന് ആഹ്വാനത്തിൽ പരിപാടികള്‍ സംഘടിപ്പിച്ച ഷിന്‍ചെന്‍ജോയി ചര്‍ച്ച്‌ സ്ഥാപകന്‍ ലീ മാന്‍ ഹിക്കെതിരെ കേസെടുക്കുകയും ചെയ്തിരുന്നു . ഇയാളുടെ അനുയായിയായ 61കാരി വൈറസ് ലക്ഷണങ്ങളോടെ പ്രാര്‍ഥനാ സംഗമങ്ങളില്‍ പങ്കെടുത്തിരുന്നു. പ്രാര്‍ഥനാ സംഗമത്തില്‍ പങ്കെടുത്ത ആയിരക്കണക്കിനാളുകളാണ് കൊറോണ ലക്ഷണങ്ങളുമായി ചികിത്സ തേടുകയും ചെയ്തു.