ലോകം കൊറോണ ഭീതിയിലാണ് ...ഇനി ഒരു അറിയിപ്പ് ഉണ്ടാകുന്നത് വരെ ദയവു ചെയ്ത് കുറ്റകൃത്യങ്ങളൊന്നും ചെയ്യരുതേ ..പ്ളീസ് ...കുറ്റവാളികളോട് രസകരമായ അഭ്യര്‍ത്ഥന നടത്തി യുഎസ് പോലീസ്
ഇനി ഒരു അറിയിപ്പ് ഉണ്ടാകുന്നത് വരെ എല്ലാ കുറ്റകൃത്യങ്ങളും അവസാനിപ്പിക്കാൻ കുറ്റവാളികളോട് അഭ്യര്‍ത്ഥനയുമായി യുഎസ് പോലീസ്..ഏകദേശം153 ഓളം രാജ്യങ്ങളിലേക്ക് കൊറോണ വ്യാപിച്ചുകഴിഞ്ഞു... അമേരിക്കയിൽ ഇപ്പോൾ തന്നെ നൂറിലേറെ പേരുടെ ജീവന്‍ കൊറോണ എടുത്തുകഴിഞ്ഞിരിക്കുന്നു. ലോകമാകെ 8300ഓളം പേര്‍ കൊവിഡ് 19 രോഗം ബാധിച്ച് മരിച്ചിട്ടുണ്ട്...
ഭരണകൂടവും ആരോഗ്യവകുപ്പും പോലീസും മറ്റുളളവരും മുഴുവൻ സമയവും കൊറോണയെ പ്രതികൂലിക്കുന്നതിനായി ശ്രമിക്കുകയാണ്..ഈ അവസരത്തിൽ പോലീസിനെ കുഴപ്പത്തിലാക്കി കൊണ്ട് കുറ്റകൃത്യങ്ങളുടെ എണ്ണം കൂട്ടരുതെന്നാണ് കുറ്റവാളികളോട് യു എസ് പോലീസ് അഭ്യർത്ഥിക്കുന്നത്
ഇനി ഒരു അറിയിപ്പ് ഉണ്ടാകുന്നത് വരെ എല്ലാ കുറ്റകൃത്യങ്ങളും അവസാനിപ്പിക്കണമെന്നായിരുന്നു സാള്‍ട്ട് ലേക്ക് സിറ്റി പോലീസ് നടത്തിയ അഭ്യര്‍ഥന. സമൂഹത്തിലെ കുറ്റകൃത്യങ്ങള്‍ താത്കാലികമായി നിര്‍ത്തിവെക്കുന്നതിനും തങ്ങളോട് സഹകരിക്കുന്നതിനും എല്ലാവരെയും മുന്‍കൂറായി അഭിനന്ദിക്കുകയും നന്ദി അറിയിക്കുകയും ചെയ്യുകയാണെന്നും പോലീസ് സോഷ്യൽ മീഡിയയായ ട്വിറ്ററില്‍ ആണ് കുറിച്ചത് .
യുഎസിലെ ഓഹിയോ, വിസ്‌കോന്‍സിന്‍, കെന്റുകി, വാഷിങ്ടണ്‍ തുടങ്ങിയ മേഖലകളിലെ പോലീസ് വിഭാഗങ്ങളും സാമൂഹിക മാധ്യമങ്ങളിലൂടെ കുറ്റവാളികളോട് സഹകരിക്കാൻ ആവശ്യപ്പെട്ട് ഈ രസകരമായ അഭ്യര്‍ത്ഥന നടത്തിയിട്ടുണ്ട്
https://www.facebook.com/Malayalivartha
