കോവിഡ്-19 ബാധിച്ച് മരിക്കുന്നവരുടെ എണ്ണം ഇറ്റലിയില്‍ 5,000 കടന്നു. 24 മണിക്കൂറിനിടെ 651 പേര്‍ കൊറോണ ബാധിച്ച് മരിച്ചു. ഇതോടെ മരണസംഖ്യ 5,476 ആയി. 5,560 പുതിയ കേസുകളാണ് ഞായറാഴ്ച റിപ്പോര്‍ട്ട് ചെയ്തത്. ഇറ്റലിയില്‍ 59,138 പേര്‍ക്ക് ഇതിനൊടകം കൊറോണ സ്ഥിരീകരിച്ചിരുന്നു. ഇതില്‍ 7,024 രോഗവിമുക്തി നേടി. 46,638പേര്‍ ചികിത്സയിലാണ്. അതേസമയം ആളുകള്‍ അനാവശ്യമായി പുറത്തിറങ്ങിയാല്‍ കടുത്ത നടപടി നേരിടുമെന്ന് ഭരണകൂടം അറിയിച്ചു.

രണ്ടാം ലോകമഹായുദ്ധാനന്തരം ഇറ്റലി നേരിടുന്ന ഏറ്റവും വലിയ പ്രതിസന്ധിയാണിതെന്നു പ്രധാനമന്ത്രി ജൂസെപ്പേ കോണ്ടി കഴിഞ്ഞ ദിവസം പറഞ്ഞിരുന്നു.