അമേരിക്കയിലെ യൂട്ടാ നഗരത്തിലെ ഹൈവേയിലൂടെ ഒരു കാര്‍ വശപ്പിശകായി പോകുന്നത് കണ്ടാണ് പോലീസ് കാര്‍ തടഞ്ഞത്. കാറിന്റെ ഡ്രൈവറെ പിടികൂടിയപ്പോള്‍ പൊലീസ് ഞെട്ടി. ഒരു അഞ്ചുവയസ്സുകാരനായിരുന്നു ഡ്രൈവിംഗ് സീറ്റില്‍!

ഈ സാഹസിക യാത്രയ്ക്ക് ഇറങ്ങിയതിന്റെ കാരണം തിരക്കിയ പോലീസിനോട് അവന്‍ കാര്യം തുറന്നു പറഞ്ഞു. ആഡംബര കാറായ ലംബോര്‍ഗിനി വാങ്ങിക്കൊടുക്കണമെന്ന 'നിസ്സാരമായ' ആവശ്യം അമ്മ നിഷ്‌കരുണം തള്ളിയതിന്റെ വാശിക്ക് സ്വയം കാറുമെടുത്ത് കലിഫോര്‍ണിയയ്ക്കു പുറപ്പെട്ടതാണ്.

പോക്കറ്റ് തപ്പിയപ്പോള്‍ ലംബോര്‍ഗിനി വാങ്ങാന്‍ കരുതിയിരിക്കുന്ന കാശും കിട്ടി- 3 ഡോളര്‍ ! ലംബോര്‍ഗിനിക്കു കുറഞ്ഞതു 2 ലക്ഷം ഡോളര്‍ (ഏതാണ്ട് 1.5 കോടി രൂപ) ആണു വിലയെന്നു പറഞ്ഞാല്‍ അവനുണ്ടോ മനസ്സിലാകുന്നു ?

കുട്ടി അപകടമമൊന്നും ഉണ്ടാക്കിയില്ലെങ്കിലും മാതാപിതാക്കള്‍ നിയമനടപടി നേരിടേണ്ടിവരും.