ലോകത്തെ ആശങ്കയിലാഴ്ത്തി കോവിഡ് മഹാമാരി കുതിച്ചുയരുകയാണ്. ആഗോള വ്യാപകമായി കോവിഡ് ബാധിതരുടെ എണ്ണം 39 ലക്ഷം കടന്നു . ഔദ്യോഗികകണക്കുകള്‍ പ്രകാരം ആകെ രോഗബാധിതരുടെ എണ്ണം 39,16,210 ആയി. കോവിഡ് ബാധിച്ച് മരിച്ചവരുടെ എണ്ണം 2,70,707 ആയി .അമേരിക്കയിലും റഷ്യയിലും ബ്രസീലിലും രോഗബാധ തീവ്രമായി വ്യാപിക്കുകയാണ്.

ഇന്നലെ മാത്രം അമേരിക്കയില്‍ രോഗം സ്ഥിരീകരിച്ചത് 29,531 പേര്‍ക്കാണ്. രോഗബാധിതരുടെ എണ്ണം 13 ലക്ഷത്തിന് അടുത്തേക്കെത്തി . 24 മണിക്കൂറിനിടെ മരിച്ചത് 2109 പേരാണ് . ആകെ മരണസംഖ്യ 76,928 ആയി . യുഎസില്‍ ചികില്‍സയിലുള്ള 17000 രോഗികളുടെ നില അതീവ ഗുരുതരമാണെന്ന് റിപ്പോര്‍ട്ടുണ്ട്.റഷ്യയില്‍ ഓരോ ദിവസവും പതിനായിരത്തോളം പിതിയ കേസുകളാണ് റിപ്പോര്‍ട്ട് ചെയ്യുന്നത്. റഷ്യയില്‍ രോഗികളുടെ എണ്ണം 1,77,160 ആയി. മരണസംഖ്യ 1625 ആണ്.
ബ്രിട്ടനിലും കോവിഡ് വ്യാപനം വര്‍ധിക്കുകയാണ്. മരണം 30,000 കടന്നു. ആകെ മരണസംഖ്യ 30,165 ആയി. രോഗബാധിതര്‍ 2,06,715 പേര്‍ക്ക് രോഗം സ്ഥിരീകരിച്ചു.ബ്രസീലിലും കോവിഡ് വ്യാപനം കുതിച്ചുയരുകയാണ് .