അമേരിക്കൻ വാക്സിനുകള്ക്ക് നിരോധനം ഏര്പ്പെടുത്തി ഇറാന് പരമാധികാരി അയോത്തുള്ള അലി ഖമേനി; ഫൈസര് വാക്സിനുകള്ക്കായി അമേരിക്കയ്ക്ക് നല്കിയ ഓര്ഡര് റദ്ദാക്കി ഇറാന്
ഫൈസര് വാക്സിനുകള്ക്കായി അമേരിക്കയ്ക്ക് നല്കിയ ഓര്ഡര് റദ്ദാക്കി ഇറാന്. ബ്രിട്ടണില് നിന്നും, അമേരിക്കയില് നിന്നുമുള്ള വാക്സിനുകള്ക്ക് ഇറാന് പരമാധികാരി അയോത്തുള്ള അലി ഖമേനി നിരോധനം ഏര്പ്പെടുത്തിയിരുന്നു. ഇതേ തുടര്ന്നാണ് ഇറാന് സര്ക്കാര് ഓര്ഡര് റദ്ദാക്കിയത്.
1,50,000 ഡോസുകള്ക്കായിരുന്നു ഇറാന് അമേരിക്കയുമായി കരാര് ഉണ്ടാക്കിയത്. കരാര് റദ്ദാക്കിയ സാഹചര്യത്തില് വാക്സിനുകള്ക്കായി ഇറാന് റഷ്യ, ചൈന, ഇന്ത്യ എന്നീ രാജ്യങ്ങളെ സമീപിക്കുമെന്നാണ് സൂചനകള്.
വെള്ളിയാഴ്ച തത്സമയ ടെലിവിഷന് പരിപാടിയിലാണ് ബ്രിട്ടണ്, അമേരിക്ക എന്നിവിടങ്ങളില് നിന്നുള്ള വാക്സിനുകള്ക്ക് ഖമേനി നിരോധനം ഏര്പ്പെടുത്തിക്കൊണ്ട് ഉത്തരവിട്ടത്. ഇരു രാജ്യങ്ങളിലും നിര്മ്മിക്കുന്ന വാക്സിന് പൂര്ണ്ണമായും ഫലപ്രദമല്ല. മറ്റ് രാജ്യങ്ങളെയും മലിനമാക്കാനുള്ള ശ്രമാമാണ് രാജ്യങ്ങള് നടത്തുന്നതെന്നും പറഞ്ഞിരുന്നു. ഫ്രാന്സുമായി ഉണ്ടായ അനുഭവം ചൂണ്ടിക്കാട്ടിയായിരുന്നു പ്രതികരണം.
https://www.facebook.com/Malayalivartha
