ടോക്കിയോ താജിക്കിസ്ഥാനിലും ഉത്തരേന്ത്യയിലും ഭൂചലനമുണ്ടായി 24 മണിക്കൂറുകള്‍ കഴിയുന്നതിന് മുന്‍പ് ജപ്പാനിലും വന്‍ ഭൂചലനം. ശനിയാഴ്ച രാത്രി 7.30ഓടെയാണ് ഭൂചലനമുണ്ടായത്.റിക്ടര്‍ സ്‌കെയില്‍ 7.1 തീവ്രത രേഖപ്പെടുത്തിയതായി ജപ്പാന്‍ മെറ്ററോളജിക്കല്‍ ഏജന്‍സി അറിയിച്ചു. ടോകിയോ നഗരത്തിന് സമീപം വടക്കന്‍ തീരത്തിലാണ് ഭൂചലനമുണ്ടായത്. സുനാമി മുന്നറിയിപ്പില്ലെന്ന് അധികൃതര്‍ അറിയിച്ചു.

ടോക്കിയോയില്‍ നിന്ന് 306 കിലോമീറ്റര്‍ വടക്ക് പടിഞ്ഞാറ് മാറിയാണ് ഭൂചലനത്തിന്റെ പ്രഭവകേന്ദ്രം. വന്‍ കേടുപാടുകള്‍ സംഭവിച്ചിട്ടില്ലെന്ന് ചെയ്തിട്ടില്ലെന്ന് അന്താരാഷ്ട്ര മാദ്ധ്യമങ്ങള്‍ റിപ്പോര്‍ട്ട് ചെയ്തു. ഭൂചലനം സംഭവിച്ച മേഖലയില്‍ വൈദ്യുതി, ഇന്റര്‍നെറ്റ് സേവനങ്ങള്‍ തകരാറിലായിട്ടുണ്ട്.