കേരളത്തിൽ എല്ലാവർക്കും സൗജന്യ കോവിഡ് വാക്സിൻ ലഭ്യമാക്കാൻ വേണ്ടി ജനങ്ങൾ സ്വമേധയാ തുടങ്ങിയ വാക്സിൻ ചലഞ്ച് യുകെയിലും അയർലണ്ടിലുമായി മുപ്പതോളം ബ്രാഞ്ചുകളുള്ള സിപിഐഎമ്മിന്റെ അന്താരാഷ്ട്ര ഘടകമായ എഐസിയും ആവേശപൂര്‍വ്വം ഏറ്റെടുത്തിരിക്കുകയാണ്.

കോവിഡ് മാനദണ്ഡങ്ങള് പാലിച്ച്‌ വിവിധ ബ്രാഞ്ചുകള്‍ ഇതിനോടകം സംഘടിപ്പിച്ച്‌ വന്‍ വിജയമായ ബിരിയാണി ഫെസ്റ്റിവല്‍ അയര്‍ലണ്ടിലെ വാട്ടര്‍ഫോര്‍ഡ് ബ്രാഞ്ചും ഏറ്റെടുക്കുകയാണ്.

ഇതിലൂടെ സമാഹരിക്കുന്ന തുക മുഖ്യമന്ത്രിയുടെ ദുരിതാശ്വാസ നിധിയിലെ കോവിഡ് വാക്സിന്‍ ചലഞ്ചുമായി ബന്ധപ്പെട്ട അക്കൗണ്ടില്‍ നിക്ഷേപിക്കുന്നതാണ്. ജൂണ്‍ 13 ഞായറാഴ്ചയാണ് വാട്ടര്‍ഫോര്‍ഡ് ബ്രാഞ്ചിന്റെ നേതൃത്വത്തില്‍ ബിരിയാണി മേള സംഘടിപ്പിക്കുന്നത്.

വാട്ടര്‍ഫോര്‍ഡും പരിസര പ്രദേശങ്ങളും കോര്‍ക്ക്, കില്‍ക്കെനി, നീന എന്നീ പ്രദേശങ്ങള്‍ ഉള്‍പ്പെട്ട ബ്രാഞ്ചില്‍ കോവിഡ് പ്രോട്ടോകോള്‍ പാലിച്ച്‌ പ്രവര്‍ത്തകര്‍ വീടുകളില്‍ ബിരിയാണി എത്തിക്കുന്നതാണ്. വാട്ടര്‍ഫോര്‍ഡിലെ പ്രശസ്തമായ ഹോളിഗ്രയില്‍ റെസ്റ്റോറന്റാണ് സ്വാദിഷ്ടമായ ബിരിയാണി തയ്യാറാക്കുന്നത്.

നമ്മുടെ നാടിനെ കോവിഡ് മഹാമാരിയില്‍ നിന്നും കരകയറ്റാനുള്ള ഈ ഉദ്യമത്തില്‍ എല്ലാവരും പങ്കാളികളാകണമെന്ന് എഐസി വാട്ടര്‍ഫോര്‍ഡ് ബ്രാഞ്ച് അഭ്യര്‍ത്ഥിച്ചു.

കേന്ദ്ര സര്‍ക്കാരിന്റെ വാക്സിന്‍ നയത്തിനെതിരെ എതിര്‍പ്പ് ശക്തമാകുന്നതിനിടെയാണ് സാമൂഹിക മാദ്ധ്യമങ്ങളില്‍ വാക്സിന്‍ ചലഞ്ച് എന്ന വേറിട്ട ഒരു പ്രതിഷേധ ക്യാമ്പയിൻ ആരംഭിച്ചത്. എല്ലാവര്‍ക്കും സൗജന്യമായി കോവിഡ് വാക്സിന്‍ ലഭ്യമാക്കും എന്ന് കേരള സര്‍ക്കാര്‍ പ്രഖ്യാപിച്ചിട്ടുണ്ട്.

ബിരിയാണി ഓര്‍ഡര്‍ നല്‍കുന്നതിന് വാട്ടര്‍ഫോര്‍ഡ് ( അനൂപ് ജോണ്‍ - 0872658072, ബിനു തോമസ്-0876261088), കോര്‍ക്ക് (രാജു ജോര്‍ജ്-0879449893, സരിന്‍ വി.സദാശിവന്‍- 0892415234),
കില്‍ക്കെനി (ഷിനിത്ത് എ.കെ -0870518520), നീന (റിനു കുമാരന്‍ രാധാനാരായണന്‍- 0873588780) എന്നിവരുമായി ബന്ധപ്പെടണം.