കാമുകന് ജ്യൂസ് പാക്കറ്റിൽ വിഷം കുത്തിവെച്ച് യുവതിയുടെ കയ്യിൽ കൊടുത്തു, യുവതി ആ വിഷം ചേര്ത്ത ജ്യൂസ് ഭര്ത്താവിനും മക്കള്ക്കും നല്കി; വിഷം കലര്ത്തിയ ജ്യൂസ് കുടിച്ച് മൂന്ന് കുട്ടികളും മരിച്ചു!! ഭര്ത്താവ് ഗുരുതരാവസ്ഥയില് ചികിത്സയിൽ, യുവതിയും കാമുകനും കസ്റ്റഡിയില്
ഈജിപ്തില് കാമുകനുമായി കൂടിയാലോചിച്ച് ഭര്ത്താവിനും മക്കള്ക്കും ഭക്ഷണത്തില് വിഷം ചേര്ത്ത് നല്കിയെന്ന കേസില് യുവതിയും കാമുകനും അറസ്റ്റില്. ആറ് വയസിനും ഒമ്പത് വയസിനും ഇടയില് പ്രായമുള്ള മൂന്ന് കുട്ടികള്ക്കും ഭര്ത്താവിനുമാണ് ജ്യൂസില് വിഷം ചേര്ത്ത് നല്കി കൊലപ്പെടുത്താന് ശ്രമിച്ചതെന്നാണ് റിപ്പോർട്ട്.
വിഷം കലര്ത്തിയ ജ്യൂസ് കുടിച്ച് മൂന്ന് കുട്ടികളും മരിച്ചു. 32കാരനായ ഭര്ത്താവ് തെക്കന് ഈജിപ്തിലെ ക്വിന ഗവര്ണറേറ്റിലുള്ള ആശുപത്രിയില് ഗുരുതരാവസ്ഥയില് ചികിത്സയിലാണ്. സംഭവത്തെ കുറിച്ച് പൊലീസ് പറയുന്നതിങ്ങനെ: മറ്റൊരാളുമായി വിവാഹേതര ബന്ധമുണ്ടായിരുന്ന യുവതി ഭര്ത്താവിനെയും മക്കളെയും കൊലപ്പെടുത്താന് ഇയാളുമായി ചേര്ന്ന് പദ്ധതി തയ്യാറാക്കുകയായിരുന്നു.
യുവതിയുടെ 26 കാരനായ കാമുകന് ജ്യൂസ് പാക്കറ്റിൽ വിഷം കുത്തിവെച്ച് ഇത് യുവതിയുടെ കൈവശം നല്കുകയായിരുന്നു. 26 കാരിയായ യുവതി വിഷം ചേര്ത്ത ജ്യൂസ് ഭര്ത്താവിനും മക്കള്ക്കും നല്കി. കാലാവധി കഴിഞ്ഞതും പഴകിയതുമായ ജ്യൂസ് കുടിച്ചത് മൂലമുണ്ടായ ഭക്ഷ്യവിഷബാധയാണ് മരണകാരണമെന്നാണ് യുവതി പിന്നീട് പറഞ്ഞത്. എന്നാല് സംശയം തോന്നിയ പൊലീസ് ഇരുവരെയും കസ്റ്റഡിയില് എടുക്കുകയായിരുന്നു. ചോദ്യം ചെയ്യലില് രണ്ട് പ്രതികളും കുറ്റം സമ്മതിച്ചെന്നും പൊലീസ് പറഞ്ഞു.
https://www.facebook.com/Malayalivartha