ഒളിംപിക്സില് നോകൗട് പ്രതീക്ഷകള് നിലനിര്ത്തി ഇന്ത്യ; വനിതാ ഹോകിയില് ദക്ഷിണാഫ്രികയെ 4-3 ന് തോല്പിച്ചതോടെ ഇന്ത്യക്ക് അഞ്ച് മത്സരങ്ങളിലുമായി ആറ് പോയിന്റ്
ഒളിംപിക്സില് വനിതാ ഹോകിയില് നോകൗട് പ്രതീക്ഷകള് നിലനിര്ത്തി ഇന്ത്യ. ശനിയാഴ്ച ദക്ഷിണാഫ്രികയെ 4-3 ന് തോല്പിച്ചതോടെ ഇന്ഡ്യക്ക് അഞ്ച് മത്സരങ്ങളിലുമായി ആറ് പോയിന്റ് നേടാൻ സാധിച്ചു. എല്ലാ മത്സരങ്ങളും പൂര്ത്തിയാക്കിയ ഇന്ത്യ നാലാം സ്ഥാനത്താണ് നിൽക്കുന്നത്. ഒരു ഗ്രൂപില് നിന്ന് നാല് ടീമുകളാണ് ക്വാര്ടറിലേക്ക് യോഗ്യത നേടുക.
അതോടൊപ്പം തന്നെ നിലവില് മൂന്ന് പോയിന്റുള്ള അയര്ലന്ഡ് അഞ്ചാം സ്ഥാനത്താണ് നിൽക്കുന്നത്. ബ്രിട്ടനെതിരെ ഒരു മത്സരമാണ് അവര്ക്ക് അവശേഷിക്കുന്നത്. ശനിയാഴ്ച ജയിച്ചാല് മാത്രമേ ഇന്ത്യയെ മറികടക്കാന് സാധിക്കുകയുള്ളു. അതും കൂടുതല് ഗോള് വ്യത്യാസത്തില് ജയിക്കണം എന്നതാണ്. ശനിയാഴ്ച വൈകിട്ടാണ് മത്സരം.
അതേസമയം ശനിയാഴ്ച പൂള് എയില് ദക്ഷിണാഫ്രികയ്ക്കെതിരെ വന്ദന കതാരിയയുടെ ഹാട്രികാണ് ഇന്ത്യക്ക് ജയമൊരുക്കിയത്. റാണി രാംപാല് ഒരു ഗോള് നേടിയിരുന്നു. ആദ്യ ക്വാര്ടര് അവസാനിച്ചപ്പോള് തന്നെ ഇരു ടീമുകളും രണ്ട് ഗോള് വീതം നേടി സമനില പാലിച്ചിരുന്നു. മൂന്നാം ക്വാര്ടര് അവസാനിച്ചപ്പോള് സ്കോര് 3-3 ആയിരുന്നു. നാലാം ക്വാര്ടറില് ഒരു ഗോള് കൂടി നേടി ഇന്ഡ്യ വിജയമുറപ്പിച്ചു.\
https://www.facebook.com/Malayalivartha
