കൊറോണ വ്യാപനത്തെ നിയന്ത്രിക്കുന്നതിൽ നിർണായക പങ്കുവഹിക്കുന്ന വാക്‌സിനെ ചുറ്റിപ്പറ്റി നിരവധി പഠനങ്ങളാണ് ഉയർന്നുവരുന്നത്. ഇപ്പോഴിതാ കോവിഡ് -19 വാക്സിനുകളുമായി ബന്ധപ്പെട്ട ഒരു ക്ലോട്ടിംഗ് ഡിസോര്‍ഡര്‍ മനസ്സിലാക്കുന്നതില്‍ ഗവേഷണം പുരോഗമിക്കുകയാണെന്ന് ഗവേഷകര്‍ വ്യക്തമാക്കി. കോവിഡ് ഷോട്ടുകളില്‍ രക്തം കട്ടപിടിക്കുന്നത് വളരെ അപൂര്‍വമാണെങ്കിലും 'വിനാശകരമായ 'തായി അവര്‍ വിശേഷിപ്പിക്കുകയാണ്.

ന്യൂ ഇംഗ്ലണ്ട് ജേണല്‍ ഓഫ് മെഡിസിനില്‍ പ്രസിദ്ധീകരിച്ച ഒരു പഠനമനുസരിച്ച്‌ ആസ്ട്രാസെനേക്ക പിഎല്‍സിയും ഓക്സ്ഫോര്‍ഡ് സര്‍വ്വകലാശാലയും വികസിപ്പിച്ച വാക്സിന്‍ സ്വീകരിച്ച 50 വയസ്സിന് താഴെയുള്ള 50,000 പേരില്‍ ഒരാള്‍ക്ക്‌ രക്തം കട്ടപിടിക്കുന്ന സിന്‍ഡ്രോം ബാധിച്ചതായുള്ള റിപ്പോർട്ടുകൾ പുറത്ത് വന്നിരുന്നു. കൂടാതെ മിക്കവാറും രോഗികളില്‍ നാലിലൊന്ന് പേരും മരിച്ചു.

പ്ലേറ്റ്‌ലെറ്റുകളുടെ എണ്ണവും മറ്റ് ഘടകങ്ങളും വളരെ കുറവുള്ളവരില്‍ മരണ സാധ്യത 73% ആയി ഉയര്‍ന്നതായി യുകെ ഗവേഷകര്‍ കണ്ടെത്തിയിട്ടുണ്ട്. പ്രായ നിയന്ത്രണങ്ങള്‍ ഏര്‍പ്പെടുത്തിയതിനുശേഷം, രോഗപ്രതിരോധ ത്രോംബോസൈറ്റോപീനിയ, ത്രോംബോസിസ് എന്നീ രോഗങ്ങള്‍ കുറഞ്ഞു, ശാസ്ത്രജ്ഞര്‍ ബുധനാഴ്ച മാധ്യമങ്ങളോട് വ്യക്തമാക്കി.

അതോടൊപ്പം തന്നെ ആസ്ട്രാസെനെക്കയുടെ വാക്സിനെ വളരെയധികം ആശ്രയിക്കുന്ന രാജ്യങ്ങള്‍ക്ക് ഈ അവസ്ഥയോട് പ്രതികരിക്കാനും ആരാണ് ഷോട്ട് സ്വീകരിക്കേണ്ടതെന്ന് തീരുമാനിക്കാനും ഈ കണ്ടെത്തലുകള്‍ സഹായിക്കുമെന്ന് ഗവേഷകര്‍ പ്രതീക്ഷിക്കുന്നു. സുരക്ഷാ കാരണങ്ങളാല്‍ തന്നെ കുത്തിവയ്പ്പ് പ്രായപൂര്‍ത്തിയായ മുതിര്‍ന്നവര്‍ക്ക് മാത്രമായി പരിമിതപ്പെടുത്താന്‍ ചില റെഗുലേറ്റര്‍മാരെ പ്രേരിപ്പിക്കുകയും ചെയ്തു. ഈ രോഗം യുവാക്കളെയും ആരോഗ്യമുള്ള വാക്സിന്‍ സ്വീകര്‍ത്താക്കളെയും ബാധിക്കുന്നതാണ്.

'യുകെയില്‍ ഞങ്ങള്‍ പഠിച്ചത് മറ്റ് രാജ്യങ്ങള്‍ക്ക് വളരെ പ്രധാനമാണ്. 'അവര്‍ക്ക് ഈ അവസ്ഥ തിരിച്ചറിയാനും ഉടനടി കൈകാര്യം ചെയ്യാനും കഴിയുമെങ്കില്‍, അവര്‍ക്ക് പ്രതിരോധ കുത്തിവയ്പ്പ് തുടരാം' -എന്നും ഓക്സ്ഫോര്‍ഡ് യൂണിവേഴ്സിറ്റി ഹോസ്പിറ്റലുകളിലെ ഗവേഷകനായ സ്യൂ പാവോര്‍ഡ് പറഞ്ഞു. ജൂലൈയില്‍ പ്രസിദ്ധീകരിച്ച ഡാറ്റ കാണിക്കുന്നത് അസ്ട്രാസെനെക്കയുടെ വാക്സിന്‍ രണ്ടാമത്തെ ഡോസിന് ശേഷം ഈ അപകടസാധ്യത ഉയര്‍ത്തുന്നില്ല എന്നാണ്.