എല്ലാ സഹായവും നല്‍കി കൂടെ നില്‍ക്കുന്നു, പാക്കിസ്ഥാന് നന്ദി അറിയിച്ച് താലിബാന്
അഫ്ഗാനില്‍ ഭരണം കൈക്കുള്ളില്‍ ഒതുക്കിയത് താലിബാന്റെ മാത്രം കഴിവ് കൊണ്ടാണെന്ന് വിശ്വസിക്കുന്നവരും അല്ലാത്തവരുമുണ്ട്. എന്നാല്‍ താലിബാന് മാത്രമല്ല, അവരെ ഒഴിഞ്ഞും തെളിഞ്ഞും സഹായിച്ച അവരുടെ ഉറ്റ സുഹൃത്തുക്കള്‍ക്ക് നന്ദി അറിയിച്ചിരിക്കുകയാണ് അവര്‍.
ഇന്ത്യയെ നിരന്തരം പ്രകോപിപ്പിക്കുകയും, കശ്മീരില്‍ അവകാശ വാദം ഉന്നയിച്ച് രംഗത്ത് വരാറുള്ള പാകിസ്ഥാന് തന്നെയാണ് താലിബാന് പരസ്യമായി നന്ദി അറിയിച്ചിരിക്കുന്നത്. എല്ലാ സഹായവും നല്‍കി കൂടെ നില്‍ക്കുന്ന പാക്കിസ്ഥാന് ഭരണകൂടത്തിന് നന്ദിയും കടപ്പാടും അറിയിച്ചിരിക്കുന്നത്.
അഫ്ഗാനികളോട് ഇങ്ങനെ ഒരു ചതി ചെയ്തതിന് കൂട്ടുന്നത് പാക്കിസ്ഥാന് ആണെന്ന് എല്ലാവര്‍ക്കും അറിയാവുന്ന കാര്യമാണെങ്കിലും, ഇത്രയധികം സഹായം അഫ്ഗാന്‍ കീഴടക്കുന്നതില്‍ പാക്കിസ്ഥാനുണ്ടെന്ന് താലിബാന് തന്നെ തുറന്ന് സമ്മതിച്ചിരിക്കുകയാണ് ഈ നന്ദി പറച്ചിലിലൂടെ.
ഇസ്ലാമിക് എമിറേറ്റ്സ് ഓഫ് അഫ്ഗാനിസ്താന്‍ എന്ന പേരില്‍ ഭരണം ആരംഭിച്ചശേഷം നടത്തിയ ഔദ്യോഗിക പ്രസ്താവനയിലാണ് പാകിസ്താന് എല്ലാ വിധ നന്ദിയും രേഖപ്പെടുത്തിയത്.
താലിബാന് ഭരണകൂടത്തിന്റെ വക്താവും വിവര സാങ്കേതിക വകുപ്പ് ഉപമന്ത്രിയുമായ സയ്ബുള്ള മുജാഹിദ്ദാണ് പാക് ഭരണകൂടത്തിന് നന്ദി അറിയിച്ചത്. പാക്കിസ്ഥാന് തങ്ങളുടെ ഏറ്റവും അടുത്ത സുഹൃത്തും അയല്‍രാജ്യവുമാണെന്നും എല്ലാ സഹായവും നല്‍കി കൂടെ നില്‍ക്കുന്നതിന് നന്ദിയും കടപ്പാടും രേഖപ്പെടുത്തുകയാണെന്നാണ് അദ്ദേഹം പറഞ്ഞത്. അതേസമയം അതിര്‍ത്തിയിലുണ്ടായ ചില ഏറ്റുമുട്ടലുകളും പാക്കിസ്ഥാന് പതാക താലിബാന് ഭീകരര്‍ വലിച്ചെറിഞ്ഞതും ദൗര്‍ഭാഗ്യകരമായ സംഭവങ്ങളാണെന്നും അത് ചെയ്തവര്‍ ഇരുരാജ്യങ്ങളുടെയും പൊതു ശത്രുവാണെന്നും സയ്ബുള്ള കടുപ്പിച്ച് പറഞ്ഞിരിക്കുകയാണ്.
ഇത് കൂടാതെ ഇവരുടെ സുഹൃത്ത് ബന്ധം അത്രയ്ക്ക് ദൃഢമാണെന്നതിന് മറ്റൊരു വാത്തയും കൂടി പുറത്തുവന്നിരിക്കുകയാണ്.പാകിസ്ഥാനിലെ ഇസ്ലാമാബാദില്‍ നിന്നും കാബൂളിലേക്ക് സര്‍വീസ് നടത്താന്‍ അഫ്ഗാന്‍ വിമാനത്തിന് അനുമതി നല്‍കിയിരിക്കുയാണ്. പാകിസ്താന്റെ സിവില്‍ ഏവിയേഷന്‍ അതോറിറ്റിയാണ് ഇക്കാര്യം അറിയിച്ചത്. താലിബാന് സര്‍ക്കാരുമായി ബന്ധം ദൃഢമാക്കാനുള്ള പാകിസ്താന്റെ നടപടികള്‍ പുരോഗമിക്കുന്നുയെന്നു വേണം ഈ റിപ്പോട്ടിലൂടെ മനസ്സിലാക്കാന്‍.
അഫ്ഗാനിലെ ഏറ്റവും വലിയ സ്വകാര്യ വിമാന കമ്പനിയായ കാം-എയറിന്റെ മൂന്ന് പ്രതിവാര വിമാന സര്‍വീസുകള്‍ ഇനിമുതല്‍ പാകിസ്താനില്‍ നിന്നും ഉണ്ടാകും. താലിബാന് അധികാരമേറിയതിന് ശേഷം ഇതാദ്യമായാണ് അഫ്ഗാന്‍ വിമാനങ്ങള്‍ അന്താരാഷ്ട്ര സര്‍വീസ് ആരംഭിക്കുന്നത്. നിലവില്‍ കാം-എയറിന് മാത്രമാണ് അഫ്ഗാനില്‍ സര്‍വീസ് നടത്താന്‍ അനുമതി. കാബൂളില്‍ നിന്നും ഇസ്ലാമാബാദിലേക്ക് യാത്രക്കാര്‍ കുറവായിരിക്കുമെന്നതിനാല്‍ ആദ്യം ചാര്‍ട്ടേഡ് വിമാനങ്ങള്‍ മാത്രം സര്‍വീസ് നടത്താനാണ് തീരുമാനം.
സെപ്റ്റംബര്‍ 13ന് പാക് വിമാനത്തിന്റെ ഇസ്ലാമാബാദില്‍ നിന്നുള്ള സര്‍വീസ് അഫ്ഗാന്‍ അനുവദിച്ചത്. ഇതോടെ രക്ഷാ ദൗത്യത്തിനല്ലാതെ കാബൂളിലേക്ക് ആദ്യമായി വിമാന സര്‍വീസ് നടത്തിയ രാജ്യമായി പാകിസ്താന് മാറുകയായിരുന്നു. ആഭ്യന്തര-അന്താരാഷ്ട്ര വിമാന സര്‍വീസുകള്‍ നടത്താന്‍ കാബൂള്‍ വിമാനത്താവളം പൂര്‍ണ സജ്ജമാണെന്ന് താലിബാനും പ്രഖ്യാപിച്ച് കഴിഞ്ഞു.
എന്തായാലും താലിബാന് എല്ലാ കൈക്കലാക്കിയട്ട് കൂട്ടുനിന്ന ചങ്ങായിമാരെ മറന്നില്ലല്ലോ...അല്ല ഇവരുടെ പൊതുസ്വഭാവം വെച്ചിട്ട് ഇതിന്റെ അപ്പുറം നടക്കേണ്ടതാണ്...പാകിസ്ഥാനോട് നല്ല ഉദ്ദേശ ശുദ്ധിയോടെയല്ല താലിബാന് കൂട്ടുകൂടുന്നതെന്നുള്ളത് പകല്‍ പോലെ വ്യക്തമാണ്. തിരിച്ചുള്ള ഈ സഹായവും അതിനുള്ള തെളിവാണെന്ന് വേണം കരുതുവാന്‍. എത്രനാള്‍ ഈ ചങ്ങാത്തം മുന്നോട്ട് പോകുമെന്ന് കണ്ടറിഞ്ഞ് കാണാം....
https://www.facebook.com/Malayalivartha
