കാലാവസ്ഥാ ഉച്ചകോടി... തരംഗമായി വിനിഷയുടെ പ്രസംഗം... "നിങ്ങള് പ്രവര്ത്തിക്കാനായി ഞങ്ങള് കാത്തിരിക്കില്ല, നിങ്ങള് ചെയ്തില്ലെങ്കിലും ഞങ്ങളതിന് നേതൃത്വം നല്കും"ഗ്ലാസ്ഗോയില് നടക്കുന്ന യുഎന്നിന്റെ കാലാവസ്ഥാ ഉച്ചകോടിയില് ലോകനേതാക്കളുടെ അനാസ്ഥയ്ക്കെതിരെ ആഞ്ഞടിച്ച് ഇന്ത്യന് വിദ്യാര്ഥിനി....
കാലാവസ്ഥാ ഉച്ചകോടി... തരംഗമായി വിനിഷയുടെ പ്രസംഗം... ഗ്ലാസ്ഗോയില് നടക്കുന്ന യുഎന്നിന്റെ കാലാവസ്ഥാ ഉച്ചകോടിയില് ലോകനേതാക്കളുടെ അനാസ്ഥയ്ക്കെതിരെ ആഞ്ഞടിച്ച് ഇന്ത്യന് വിദ്യാര്ഥിനി....
നേതാക്കളുടെ പൊള്ളവാചകങ്ങളില് തന്റെ തലമുറ രോഷാകുലരാണെന്ന്, പ്രധാനമന്ത്രി നരേന്ദ്ര മോദി ഉള്പ്പെടെയുള്ളവരെ മുന്നിലിരുത്തി പതിനാലുകാരിയായ വിനിഷ ഉമാശങ്കര് ആഞ്ഞടിച്ചു. പരിസ്ഥിതി ഓസ്കര് എന്നറിയപ്പെടുന്ന 'എര്ത്ത്ഷോട്ട്' പുരസ്കാരത്തിന്റെ അന്തിമപട്ടികയിലെത്തിയതിനു പിന്നാലെയാണ് തമിഴ്നാട് സ്വദേശിനി വിനിഷ ഉമാശങ്കറാണ് ഉച്ചകോടിയിലെ തകര്പ്പന് പ്രസംഗത്തിലൂടെ തരംഗമായത്.
'വെറുംവാക്കുപറയുന്ന ലോകനേതാക്കളോട് ഞങ്ങള് പുതുതലമുറയ്ക്ക് ദേഷ്യമാണ്, ഒപ്പം നിരാശയുമുണ്ട്. ഭൂമിയെ സംരക്ഷിക്കാന് നേരിട്ടിറങ്ങണം. പഴയ സംവാദങ്ങള് നിര്ത്തൂ, പുതിയ ഭാവിക്കായി പുതിയ ലക്ഷ്യമാണിവിടെ വേണ്ടത്. ഭാവി വാര്ത്തെടുക്കാന് നിങ്ങളുടെ സമയവും പണവും ഞങ്ങളില് നിക്ഷേപിക്കൂ.മനുഷ്യരാശിക്ക് ഇതുവരെ അറിയാത്ത മഹത്തായ നൂതനമാര്ഗങ്ങളാണ് ഞങ്ങളുടെ പക്കലുള്ളത്. പരാതി പറയാനല്ല, ആരോഗ്യത്തിനും സമ്പത്തിനുംവേണ്ടി പ്രവര്ത്തിക്കാനാണ് ആഹ്വാനം. നിങ്ങള് പ്രവര്ത്തിക്കാനായി ഞങ്ങള് കാത്തിരിക്കില്ല. നിങ്ങള് ചെയ്തില്ലെങ്കിലും ഞങ്ങളതിന് നേതൃത്വം നല്കും''
''ഞാന് ഇന്ത്യയില്നിന്നുള്ള വെറുമൊരു പെണ്കുട്ടി മാത്രമല്ല, ഈ ഭൂമിയിലെ ഒരു പെണ്കുട്ടിയാണ്. അതിലെനിക്ക് അഭിമാനവുമുണ്ട്. പുതുതലമുറയ്ക്കൊപ്പം ചേരാന് അന്താരാഷ്ട്ര സംഘടനകളോടും പൗരസമൂഹത്തോടും വ്യവസായസ്ഥാപനങ്ങളോടും ഞാന് ആഹ്വാനം ചെയ്യുന്നു'' -കരഘോഷങ്ങള്ക്കിടയില് വിനിഷ ഉറച്ച സ്വരത്തില് പറഞ്ഞു.
സൗരോര്ജത്തില് പ്രവര്ത്തിക്കുന്ന ഇസ്തിരിവണ്ടിയാണ് തമിഴ്നാട്ടില്നിന്നുള്ള വിനിഷ ഉമാശങ്കര് രൂപകല്പ്പന ചെയ്തത്. ഈ നൂതന ആശയമാണ് വിനിഷയെ വില്യം രാജകുമാരന് ഏര്പ്പെടുത്തിയ എര്ത്ത് ഷോട്ട് പുരസ്കാരപ്പട്ടികയിലെത്തിച്ചത്.
https://www.facebook.com/Malayalivartha
