യുക്രൈനിൽ ബോംബുകളും മിസൈലുകളുമായി സംഘർഷം തുടർന്ന് കൊണ്ടിരിക്കുകയാണ്, ഈ അവസരത്തിൽ രാജ്യത്തിലുള്ളവർ ഒരിക്കലും സന്തോഷത്തിൽ ആയിരിക്കില്ല. പക്ഷേ ഇതിനിടയിലും ഒരു യുക്രേനിയന്‍ വനിതാ സൈനികയുടെ, ഭാവിയെക്കുറിച്ചുള്ള ശുഭാപ്തിവിശ്വാസത്തിന്റെ വീഡിയോ സാമൂഹ്യ മാധ്യമങ്ങളില്‍ വൈറലാകുന്നു. 'ഞാന്‍ ഇപ്പോഴും ജീവിച്ചിരിക്കുന്നു, സൂര്യന്‍ പ്രകാശിക്കുന്നു, പക്ഷികള്‍ പാടുന്നു, എല്ലാം ശരിയാകും. ഉക്രെയ്ന്‍ നീണാള്‍ വാഴട്ടെ' - സൈനികള്‍ വീഡിയോയില്‍ പറയുന്നു.

സ്ത്രീ ആരാണെന്നോ വീഡിയോയുടെ യഥാര്‍ഥ ഉറവിടം എന്താണെന്നോ അറിവായിട്ടില്ല. യുക്രെയ്നിലെ റഷ്യന്‍ അധിനിവേശത്തിന്റെ ചിത്രങ്ങളും വീഡിയോകളും ലോകത്താകെ പ്രചരിക്കുകയാണ്, യുദ്ധത്തിന്റെ മുന്‍നിരയിലുള്ളവരുടെ പോസിറ്റീവ് വീക്ഷണം നിലവിലെ സാഹചര്യത്തില്‍ അസ്വസ്ഥരായ ദശലക്ഷക്കണക്കിന് ആളുള്‍ക്ക് ആശ്വാസം നല്‍കുന്നു.

'സൈനികന്റെ ധൈര്യവും പ്രതീക്ഷയും ജനങ്ങളെ ആഴത്തില്‍ സ്പര്‍ശിച്ചിട്ടുണ്ട്'. വീഡിയോയെ കുറിച്ച്‌ ഒരു വ്യക്തി ട്വീറ്റ് ചെയ്തു. 'നാസികളോട് യുദ്ധം ചെയ്യാന്‍ ഇസ്രാഈല്‍ വിട്ട് പോയ ഹന്ന സീനസിന്റെ 'എലി എലി' എന്ന ഗാനം ഇത് എന്നെ ഓര്‍മിപ്പിക്കുന്നു..... ജീവിതത്തെയും പ്രതീക്ഷയെയും നെഞ്ചേറ്റാന്‍ ഹൃദയഭേദകമായ ഗാനം' - മറ്റൊരാള്‍ കുറിച്ചു.