അപകടം നിറഞ്ഞ സേവ്ദ ഡേറ്റ് വീഡിയോകള്‍ ഇന്ന് സുലഭമായി കാണാറുണ്ട്. നിരവധി വിമര്‍ശനങ്ങളും കുറ്റപ്പെടുത്തലുകളുമൊക്കെ കേട്ടാലും അതിനൊന്നും വില നല്‍കാതെയാണ് ഇത്തരം വീഡിയോകള്‍ പലപ്പോഴും പ്രത്യക്ഷപ്പെടുന്നത്. അത്തരത്തില്‍ ഒരു വിവാഹ വീഡിയോ ആണ് സോഷ്യല്‍മീഡിയയില്‍ വൈറലാകുന്നത്. അവിടെ നില്‍ക്കുന്നവര്‍ കൂക്കി വിളിച്ചും ആരവത്തോടെ ആ രംഗം ആസ്വദിക്കുന്നുണ്ടെങ്കിലും പുറത്ത് നിന്ന് വീഡിയോ കാണുന്നവര്‍ക്ക് അതത്ര പിടിച്ചിട്ടില്ല.

ഇന്നത്തെ കാലത്ത് ചെലവ് സേവ് ദ ഡേറ്റിനും വിവാഹസമയത്തെ വീഡിയോ പിടിത്തത്തിനുമൊക്കെ പതിനായിരങ്ങളാണ് ആളുകള്‍ ചെലവാക്കുന്നത്. വിവാഹം തങ്ങളുടെ ജീവിതത്തിലെ മറക്കാനാവാത്ത ഒരു അനുഭവമാക്കി മാറ്റാനാണ് പലരും ശ്രമിക്കുന്നത്. കൂടാതെ മറ്റുള്ളവരുടെ മനസ്സിലും എക്കാലത്തും മറക്കാത്ത ഓര്‍മ്മയായി നിലനിര്‍ത്താനും ഇന്ന് വധൂ വരന്മാര്‍ വളരെ അധികം ശ്രദ്ധിക്കാറുണ്ട്.

വ്യത്യസ്തതക്ക് വേണ്ടി വളരെ അപകടം പിടിച്ച പലവഴിയകളും തേടാറുണ്ട്. ഇപ്പോള്‍ സമൂഹമാധ്യമങ്ങളില്‍ വൈറലായി മാറിയ ഒരു വീഡിയോയെ കുറിച്ച് പറയാം..

വിവാഹവസ്ത്രത്തില്‍ തീ പിടിപ്പിച്ച്, പിടിച്ചല്ല പിടിപ്പിച്ച് വിവാഹ വേദിയിലേക്ക് ഓടിവരുന്ന വധൂവരന്മാരുടെ വീഡിയോ ആണ് സോഷ്യല്‍ മീഡിയയില്‍ തരംഗമായിരിക്കുന്നത്. തീയായി പടര്‍ന്ന് ആളുകളില്‍ കൗതുകവും അതേസമയം പരിഭ്രാന്തി പരത്തിയതും അമേരിക്കക്കാരായ ഗേബ് ജെസോപ്പും അംബിര്‍ ബാംബിറുമാണ്. അതേസമയം ഇവര്‍ക്കൊക്കെ ഭ്രാന്താണെന്നും അതിരുകടന്നുള്ള ഇത്തരം വീഡിയോകള്‍ നിരോേധിക്കണം എന്നെല്ലാമാണ് വീഡിയോക്ക് താഴെ വന്നിരിക്കുന്ന കമന്റുകള്‍..

വിവാഹവേഷം ധരിച്ച് വിവാഹസത്കാര വേദിയിലേക്ക് വധൂവരന്മാര്‍ വരുന്നിടത്ത് വിഡിയോ ആരംഭിക്കുന്നു. എന്നാല്‍ വൈകാതെ തന്നെ ഇവരുടെ വസ്ത്രത്തിന് പുറകില്‍ സഹായി തീ കൊടുക്കുന്നു. പിന്നീട് ആളിക്കത്തുന്ന തീയുമായി ഇവര്‍ അതിഥികള്‍ക്കിടയിലേക്ക് പ്രവേശിക്കുകയാണ് ചെയ്യുന്നത്.

മാത്രമല്ല ഇവര്‍ വേദിയില്‍ എത്തിയതിനു പിന്നാലെ സഹായികള്‍ തീ കെടുത്തുന്നതും കാണാം. എന്നാല്‍ തീയണച്ചതിന് ശേഷം വധു അല്‍പസമയം നിലത്തിരിക്കുന്നത് വീഡിയോയില്‍ കാണാം. അതുകൊണ്ട് തന്നെ അവര്‍ക്ക് വയ്യാതായിരിക്കുന്നു, പറ്റുന്ന പണിക്ക് പോയാല്‍ പോരെ, മുടി കത്തിക്കരിഞ്ഞു എന്നൊക്കെയുള്ള കമന്റുകകളുമായും ആളുകള്‍ എത്തുന്നുണ്ട്.

ഹോളിവുഡ് സിനിമയില്‍ ആക്ഷന്‍ രംഗങ്ങളില്‍ ബോഡി ഡബിള്‍ ആയി പ്രവര്‍ത്തിക്കുന്നവരാണ് ഇരുവരും. അതേ ആക്ഷന്‍ രംഗങ്ങള്‍ വിവാദത്തിലും കൊണ്ടുവരാണ് ഇവര്‍ ശ്രമിച്ചത്. വെഡ്ഡിങ് ഫൊട്ടോഗ്രഫര്‍ റസ്സ് പവല്‍ ആണ് വിഡിയോ പങ്കുവച്ചത്.