മുലപ്പാല് വിറ്റ് യുവതി ലക്ഷാധിപതിയായി ; വിറ്റത് 88 ലിറ്റര്, ആര്ക്കും നല്കും,ഒരു ഔണ്സിന് വില ഒരുഡോളര് ..യുവതി സമ്പാദിച്ചത് മൂന്നുലക്ഷം രൂപ ആവശ്യക്കാർ ഏറെ.... പക്ഷേ ഈ ആവശ്യക്കാര്ക്ക് നല്കില്ല...ബിസിനസിലേയ്ക് കടക്കാൻ കാരണങ്ങൾ പലത് ...
അലിസ്സ ചിട്ടി എന്ന അമേരിക്കന് യുവതിയാണ് മുലപ്പാല് വില്പന ബിസിനസായി എടുത്തിരിക്കുന്നത്.
ഇതുവരെ നാലായിരം ഔണ്സ് (88 ലിറ്ററോളം) വിറ്റുവെന്നാണ് അലിസ്സയുടെ അവകാശവാദം. ഇതിലൂടെ മൂന്നുലക്ഷത്തിലേറെ രൂപയാണ് നേടിയത്.
തന്റെ കുഞ്ഞിന് നല്കിയശേഷം മിച്ചംവരുന്ന മുലപ്പാലാണ് വില്ക്കുന്നത്. ബ്രെസ്റ്റ് പമ്ബ് ഉപയോഗിച്ച് ശേഖരിച്ച് ഊഷ്മാവ് ക്രമപ്പെടുത്തിയ പ്രത്യേക തരം ഫ്രീസറിലാണ് സൂക്ഷിക്കുന്നത്. ഇതാണ് ആവശ്യക്കാര്ക്ക് നല്കുന്നത്. കുറേയേറെ ദിവസം മുലപ്പാല് കേടുകൂടാതെ ഫ്രീസറില് സൂക്ഷിക്കാനാവും. ഇങ്ങനെയുള്ള മൂന്ന് ഫ്രീസറുകളാണ് വീട്ടില് സജ്ജീകരിച്ചിരിക്കുന്നത്.
ശേഖരിക്കുന്ന പാല് മിക്കദിവസങ്ങളിലും അന്നന്നുതന്നെ തീരും. അതിനാല് ചീത്തയായിപ്പോവുമെന്ന പേടിയും വേണ്ട. ആവശ്യത്തിന് മുലപ്പാല് ഇല്ലാതെ കഷ്ടപ്പെടുന്ന അമ്മമാരാണ് അലിസ്സയുടെ പ്രധാന ഉപഭോക്താക്കള്. ഇപ്പോള് ഒരു ഔണ്സിന് ഒരുഡോളര് ആണ് വാങ്ങുന്നതെങ്കിലും മാതാപിതാക്കളുമായി ചര്ച്ചയ്ക്ക് തയ്യാറാണെന്നും അലിസ്സ പറയുന്നു.സൗന്ദര്യ വര്ദ്ധക വസ്തുക്കള് ഉണ്ടാക്കാനും മുലപ്പാല് ഉപയോഗിക്കുന്നുണ്ട്.
എന്നാല് ഈ ആവശ്യത്തിന് ഒരിക്കലും പാല് നല്കില്ലെന്നാണ് അലിസ്സ പറയുന്നത്. കുട്ടികള്ക്കെന്നുപറഞ്ഞ് പാല്വാങ്ങുന്നവര് ഇത്തരക്കാര്ക്ക് മറിച്ചുവില്ക്കരുതെന്ന കര്ശന നിബന്ധനയുമുണ്ട്.ആവശ്യത്തിന് മുലപ്പാല് ഇല്ലാത്തവര് വിപണിയില് ലഭ്യമായിരുന്ന പ്രത്യേക തരം ഭക്ഷണമാണ് കുഞ്ഞുങ്ങള്ക്ക് നല്കിയിരുന്നത്.
12 മാസത്തില് താഴെയുള്ള കുഞ്ഞുങ്ങളുടെ വളര്ച്ചയെയും രോഗ പ്രതിരോധ ശേഷിയെയും ഉത്തേജിപ്പിക്കാന് കഴിവുളളതായിരുന്നു ഈ ഭക്ഷണം. എന്നാല് ഇപ്പോള് പലപല കാരണങ്ങളാല് ഇത് വിപണിയില് ലഭ്യമല്ല. ഇതോടെയാണ് മുലപ്പാല് വില്പന രംഗത്തുളളവരെത്തേടി കൂടുതല് ആള്ക്കാര് എത്തിത്തുടങ്ങിയത്.
അമ്മയെയും കുഞ്ഞിനെയും വൈകാരികമായി ബന്ധിപ്പിക്കുന്ന കരുത്തുറ്റ കണ്ണിയാണ് മുലപ്പാല്. മുലപ്പാല് കുടിച്ചു വളരുന്ന കുട്ടികള്ക്ക് മറ്റ് പാല് കുടിക്കുന്ന കുട്ടികളെക്കാളും അലര്ജി രോഗങ്ങള്ക്കും ശ്വാസകോശരോഗങ്ങള്ക്കും വയറിളക്കത്തിനുമുള്ള സാധ്യത താരതമ്യേന കുറവാണ്.
നാലഞ്ചു മാസത്തേക്ക് നവജാതശിശുവിന് അമ്മയുടെ പാല് മാത്രമേ നല്കാവൂ. അത് കഴിഞ്ഞ് രണ്ടു വയസ്സുവരെ മറ്റ് ആഹാരങ്ങളോടൊപ്പം മുലപ്പാല് നല്കണം. കുഞ്ഞിനോടുള്ള അമ്മയുടെ സ്നേഹത്തിന്റെ പ്രതിരൂപമാണ് മുലപ്പാല്.
https://www.facebook.com/Malayalivartha