ജമ്മു കശ്മീരിന് പ്രത്യേക പദവി നല്കുന്ന ഭരണഘടനയുടെ 370ാം അനുച്ഛേദം എടുത്തുകളഞ്ഞ കേന്ദ്ര സര്ക്കാര് നടപടിക്കെതിരായ ഹര്ജികളില് സുപ്രീം കോടതി ഓഗസ്റ്റ് രണ്ടു മുതല് വാദം കേള്ക്കും
ജമ്മു കശ്മീരിന് പ്രത്യേക പദവി നല്കുന്ന ഭരണഘടനയുടെ 370ാം അനുച്ഛേദം എടുത്തുകളഞ്ഞ കേന്ദ്ര സര്ക്കാര് നടപടിക്കെതിരായ ഹര്ജികളില് സുപ്രീം കോടതി ഓഗസ്റ്റ് രണ്ടു മുതല് വാദം കേള്ക്കും.
ചീഫ് ജസ്റ്റിസ് ഡിവൈ ചന്ദ്രചൂഡിന്റെ നേതൃത്വത്തിലുള്ള അഞ്ചംഗ ഭരണഘടനാ ബെഞ്ചാണ് ദിനംപ്രതി വാദം കേള്ക്കുക. കേസില് കക്ഷികള്ക്ക് ഈ മാസം 27 വരെ രേഖകള് സമര്പ്പിക്കാമെന്ന് കോടതി വ്യക്തമാക്കി.
ജസ്റ്റിസുമാരായ സഞ്ജയ് കിഷന് കൗള്, സഞ്ജിവ് ഖന്ന, ബിആര് ഗവായ്, സൂര്യകാന്ത് എന്നിവരാണ് ഭരണഘടനാ ബെഞ്ചിലെ മറ്റു ജഡ്ജിമാര്. തിങ്കളാഴ്ചയും വെള്ളിയാഴ്ചയും ഒഴികെയുള്ള ദിവസങ്ങളിലായിരിക്കും വാദം കേള്ക്കല്. പ്രത്യേക പദവി എടുത്തുകളഞ്ഞ ശേഷമുള്ള സംസ്ഥാനത്തെ സ്ഥിതി വിശദമാക്കിക്കൊണ്ട് കഴിഞ്ഞ ദിവസം കേന്ദ്ര സര്ക്കാര് സമര്പ്പിച്ച സത്യവാങ്മൂലം പരിഗണിക്കില്ലെന്ന് കോടതി അറിയിക്കുകയും ചെയ്തു.
https://www.facebook.com/Malayalivartha
