ഗ്രീസ് ചുട്ടുപൊള്ളുന്നു... അതിശക്തമായ ഉഷ്ണതരംഗത്തില്‍ വലഞ്ഞ് യൂറോപ്യന്‍ രാജ്യമായ ഗ്രീസ്; ജനങ്ങള്‍ വീടുകളില്‍ തന്നെ തുടരാന്‍ അധികൃതരുടെ നിര്‍ദേശം
ഗ്രീസ് ചുട്ടുപൊള്ളുന്നു... അതിശക്തമായ ഉഷ്ണതരംഗത്തില്‍ വലഞ്ഞ് യൂറോപ്യന്‍ രാജ്യമായ ഗ്രീസ്. ഈ ആഴ്ചയുടെ അവസാനത്തില്‍ 45 ഡിഗ്രി സെല്‍ഷ്യസിലേക്ക് വരെ താപനില ഉയരാന്‍ സാധ്യതയുണ്ടെന്ന് കാലാവസ്ഥ നിരീക്ഷകര്‍ മുന്നറിയിപ്പ് നല്‍കി. ജനങ്ങള്‍ വീടുകളില്‍ തന്നെ തുടരാന്‍ അധികൃതര്‍ നിര്‍ദേശം നല്‍കി.
അടുത്ത രണ്ടുദിവസം ഏഥന്‍സിലെ പുരാതന അക്രോപോളിസ് ഉള്‍പ്പെടെയുള്ള ടൂറിസ്റ്റ് കേന്ദ്രങ്ങള്‍ അടച്ചിടും. കഴിഞ്ഞ 50 വര്‍ഷത്തിനിടെ ഗ്രീസിലെ ഏറ്റവും ചൂടേറിയ വാരന്ത്യമായിരിക്കും ഈയാഴ്ചത്തേത് എന്ന് കാലാവസ്ഥ നിരീക്ഷകര്‍ പറയുന്നു.
അതേസമയം, ഉഷ്ണതരംഗത്തിനിടെ അഗ്‌നിശമനസേന അംഗങ്ങള്‍ ഡസന്‍ കണക്കിന് കാട്ടുതീ അണയ്ക്കാനുള്ള പോരാട്ടം തുടരുകയാണ്. ചൂട് കൂടിയ സാഹചര്യത്തില്‍ രാജ്യത്തുടനീളം പുതിയ തീപിടിത്തങ്ങള്‍ ഉണ്ടാകാനുള്ള സാധ്യത വളരെ കൂടുതലാണെന്നും എമര്‍ജന്‍സി, സിവില്‍ പ്രൊട്ടക്ഷന്‍ ഉദ്യോഗസ്ഥര്‍ മുന്നറിയിപ്പ് നല്‍കുന്നു.
യൂറോപ്പിലെ മറ്റുപല രാജ്യങ്ങളിലും യുഎസിന്റെ തെക്കുപടിഞ്ഞാറന്‍ മേഖലയിലും ചൈനയിലും ഉഷ്ണതരംഗം വളരെ രൂക്ഷമായിരിക്കുകയാണ്. 40- 50 ഡിഗ്രി സെല്‍ഷസിനു മുകളില്‍ ചൂടാണ് പല ഭാഗങ്ങളിലും കഴിഞ്ഞദിവസങ്ങളില്‍ രേഖപ്പെടുത്തിയിട്ടുള്ളത്.
https://www.facebook.com/Malayalivartha
