വിഖ്യാത പോപ്പ് ഗായകന്‍ ടോണി ബെന്നറ്റ് (96) അന്തരിച്ചു. ഇന്ന് ന്യൂയോര്‍ക്കില്‍വെച്ചായിരുന്നു അന്ത്യം. അദ്ദേഹവുമായി ചേര്‍ന്നു നില്‍ക്കുന്ന അടുത്ത വൃത്തങ്ങളാണ് മരണം സ്ഥിരീകരിച്ചത്.

സംഗീതത്തിലെ സമഗ്ര സംഭാവനക്ക് 20 ഗ്രാമി പുരസ്‌കാരങ്ങളും എമ്മി അവാര്‍ഡുകളും നേടിയിട്ടുണ്ട്. 2016മുതല്‍ അല്‍ഷിമേഴ്സ് ബാധിതനായിരുന്നു. 2011ല്‍ ലേഡി ഗാഗക്കൊപ്പമായിരുന്നു അവസാനം വേദിയിലെത്തിയത്.

1926ല്‍ അമേരിക്കയിലെ ലോങ് ഐലന്‍ഡിലാണ് ആന്തണി ഡൊമിനിക് ബെനഡിറ്റോ എന്ന ടോണി ബെന്നറ്റ് ജനിച്ചത്. 1952ലാണ് ആദ്യമായി ആല്‍ബം പുറത്തിറക്കിയത്.