ശരീരം അനങ്ങാതെ കാശ് ഉണ്ടാക്കാനാണ് എല്ലാവർക്കും ആഗ്രഹം. എളുപ്പ മാര്‍ഗത്തില്‍ എങ്ങനെ കാശുണ്ടാക്കമെന്ന് ചിന്തിക്കുന്നവരാണ് ഭൂരിഭാഗം ആളുകളും. ഇപ്പോഴിതാ ഇതിനുള്ള ഒരു ടിപ്‌സ് പറഞ്ഞുതരുകയാണ് കാനഡയില്‍ നിന്നുള്ള എഴുത്തുകാരിയും നിക്ഷേപകയും സ്വയാര്‍ജ്ജിത കോടീശ്വരിയുമായ നിക്കോള്‍ വിക്ടോറിയ( 32). തന്റെ സമ്ബത്ത് 40,000 ഡോളറില്‍ (32,79,200 രൂപ) നിന്ന് 30,00,000 ഡോളര്‍ (24,59,40,000 രൂപ) മൂല്യമുള്ള സമ്ബത്താക്കി ഉയര്‍ത്തിയപ്പോള്‍ വാര്‍ത്തകളില്‍ ഇടം നേടിയ വ്യക്തിയാണ് നിക്കോള്‍. കഴിഞ്ഞ ദിവസം തന്റെ ടിക് ടോക് അക്കൗണ്ടിലൂടെ ഉറങ്ങി കൊണ്ട് എങ്ങനെ പണം സമ്ബാദിക്കാമെന്ന ഒരു വീഡിയോ നിക്കോള്‍ പങ്കുവച്ചതിന് പിന്നാലെ ഇവര്‍ വീണ്ടും വാര്‍ത്തകളില്‍ ഇടം നേടി.

മടിയനായിക്കൊണ്ട് തന്നെ എങ്ങനെ കൂടുതല്‍ സമ്ബത്തുള്ളവനാകാം എന്നാണ് നിക്കോള്‍ വെളിപ്പെടുത്തുന്നത്. 'നിങ്ങള്‍ ഉറങ്ങുമ്ബോള്‍ സമ്ബന്നനാകുന്നത് എങ്ങനെയെന്ന് ഞാന്‍ കാണിച്ചുതരാം.' അവര്‍ തന്റെ വീഡിയോയുടെ തുടക്കത്തില്‍ പറഞ്ഞു. 'സമൂഹം നിങ്ങളോട് കള്ളം പറയുകയാണ്' എന്ന് ആദ്യം നിങ്ങള്‍ മനസ്സിലാക്കണം. സമ്ബന്നനാകാന്‍ നിങ്ങള്‍ കൂടുതല്‍ മണിക്കൂര്‍ ജോലി ചെയ്യുകയോ രണ്ടാമത്തെ ജോലി ആരംഭിക്കുകയോ ചെയ്യേണ്ടതില്ല. 'ഞങ്ങള്‍ ഇവിടെ കൂടുതല്‍ കഠിനാധ്വാനം ചെയ്യുന്നില്ല, പക്ഷേ, ഞങ്ങള്‍ മിടുക്കരായി പ്രവര്‍ത്തിക്കുന്നു,' അവര്‍ കൂട്ടിച്ചേര്‍ത്തു.

മടിയനായിരിക്കുമ്ബോള്‍ പണം സമ്ബാദിക്കാനുള്ള ആദ്യ മാര്‍ഗം ഒരു കമ്ബനിയില്‍ ഷെയര്‍ഹോള്‍ഡറായിരിക്കുക എന്നതാണ്. നിക്കോള്‍ വിശദീകരിക്കുന്നത്. 'നിങ്ങള്‍ ഒരു കമ്ബനിയുടെ ഒരു ഭാഗം സ്വന്തമാക്കുമ്ബോള്‍ ലാഭവിഹിതം നിങ്ങളിലേക്ക് എത്തുന്നു. ഒരു ഷെയര്‍ഹോള്‍ഡര്‍ എന്ന നിലയില്‍.' എന്നാല്‍ തുടക്കത്തില്‍ വലിയ ലാഭവിഹിതം ലഭിച്ചെന്ന് വരില്ല. പക്ഷേ, കാലക്രമേണ നിങ്ങള്‍ നിക്ഷേപം തുടരുമ്ബോള്‍, കമ്ബനി വളരുമ്ബോള്‍ ആ ലാഭ വിഹിതം കൂടി നിങ്ങളിലേക്ക് എത്തുമെന്നും നിക്കോള്‍ വ്യക്തമാക്കുന്നു.

രണ്ടാമത്തെതായി 'ലിവറേജ്' എന്തൊണെന്ന് നിങ്ങള്‍ മനസ്സിലാക്കണം. കാരണം 'നിങ്ങളുടെ ജീവിതത്തെ അത് മാറ്റും. ഏറ്റവും കുറഞ്ഞ പരിശ്രമത്തിലൂടെ ഏറ്റവും വലിയ ഫലം നേടുന്നതാണ് ലിവറേജ്,' നിക്കോള്‍ വിശദീകരിക്കുന്നു. 'ഓവര്‍ടൈം എടുക്കുന്നതിനും കൂടുതല്‍ ജോലി ചെയ്യാനുള്ള വഴികള്‍ക്കായും മറ്റും തിരയുന്നതിന് പകരം നിങ്ങളുടെ സമയം പരിമിതമായതിനാല്‍ നിങ്ങളുടെ കൈവശമുള്ള പണത്തെ പോലെ പ്രവര്‍ത്തിക്കാനുള്ള മറ്റ് വഴികള്‍ തേടുക. അതായത് മറ്റുള്ളവരുടെ പണമെടുത്ത് സ്വന്തം ലാഭം ഉയര്‍ത്തുക.

ഒരു ലോണ്‍ എടുത്ത്, അത് കൃത്യമായി പ്രവര്‍ത്തിക്കുന്ന ഒരു സ്റ്റോക്ക് എക്‌സ്‌ചേഞ്ചില്‍ നിക്ഷേപിക്കുക. അല്ലെങ്കില്‍ ഒരു റിയല്‍ എസ്റ്റേറ്റില്‍. സ്റ്റോക്ക് എക്‌സ്‌ചേഞ്ചില്‍ നിക്ഷേപിക്കുമ്ബോള്‍ നിങ്ങള്‍ക്ക് ലാഭത്തിന്റെ 10 ശതമാനമാകും ലഭിക്കുക. എന്നാല്‍ റിയല്‍ എസ്റ്റേറ്റില്‍ അത് 100 ശതമാനമായിരിക്കുമെന്നുമാണ് നിക്കോള്‍ വ്യക്തമാക്കിയത്.