ഉത്തര കൊറിയയുടെ ആശയപ്രചാരണത്തിനു നേതൃത്വം നല്കിയ കിം കി നാം അന്തരിച്ചു...
ഉത്തര കൊറിയയുടെ ആശയപ്രചാരണത്തിനു നേതൃത്വം നല്കിയ കിം കി നാം (94) അന്തരിച്ചു. 2022 മുതല് ചികിത്സയിലായിരുന്നെന്ന് രാജ്യാന്തര മാധ്യമങ്ങള് റിപ്പോര്ട്ട് ചെയ്യുന്നു. കിം രാജവംശത്തിന്റെ ഭരണകാലത്തു രാജ്യത്ത് ആശയ പ്രചാരണത്തിനും രാജ്യമെങ്ങും ആരാധകരെ സൃഷ്ടിക്കാനും സുപ്രധാന പങ്കുവഹിച്ചിട്ടുണ്ട്. പ്രായാധിക്യവും അവയവങ്ങളുടെ പ്രവര്ത്തനം തകരാറിലായതിനെ തുടര്ന്നുമാണ് കിം കി നാമിന്റെ അന്ത്യം.
പുലര്ച്ചെ നടന്ന സംസ്കാര ചടങ്ങുകളില് ഉത്തര കൊറിയന് നേതാവ് കിം ജോങ് ഉന് പങ്കെടുക്കുകയും ആദരാഞ്ജലി അര്പ്പിച്ചു. ഭരണാധികാരികളോട് അളവറ്റ തോതില് വിശ്വസ്തനായിരുന്നു കിം കി നാമെന്നു കിം ജോങ് ഉന് അനുശോചനസന്ദേശത്തില് പറഞ്ഞു.
കിം ജോങ് ഉന്നിന്റെ പിതാവിനൊപ്പമായിരുന്നു പ്രവര്ത്തനം ആരംഭിച്ചത്. 1970കളില് സംസ്ഥാന മാധ്യമങ്ങളുടെ ചുമതലയിലെത്തി. ഉത്തര കൊറിയയുടെ രാഷ്ട്രീയ പ്രചാരണത്തിനായുള്ള മുദ്രാവാക്യങ്ങളുടെ സ്രഷ്ടാവും കിം കി നാമായിരുന്നു.
a
https://www.facebook.com/Malayalivartha