ആറ് ചൈനീസ് സൈനിക വിമാനങ്ങളും ഏഴ് നാവിക കപ്പലുകളും   തങ്ങളുടെ പ്രദേശത്തിന് സമീപം കണ്ടെത്തിയതായി തായ്‌വാൻ.  ഇന്നലെ രാവിലെ 6 മണിക്കും   ഇടയിൽ ആറ് ചൈനീസ് സൈനിക വിമാനങ്ങളും ഏഴ് നാവിക കപ്പലുകളും തായ്‌വാന് ചുറ്റും പ്രവർത്തിക്കുന്നുണ്ടെയിരുന്നുവെന്ന്   തായ്‌വാൻ ദേശീയ പ്രതിരോധ മന്ത്രാലയം   അറിയിച്ചു. വിമാനങ്ങളിൽ നാലെണ്ണം തായ്‌വാൻ കടലിടുക്കിൻ്റെ മധ്യരേഖ കടന്ന് തായ്‌വാൻ്റെ വടക്കൻ, തെക്കുപടിഞ്ഞാറൻ എയർ ഡിഫൻസ് ഐഡൻ്റിഫിക്കേഷൻ സോണിൽ  പ്രവേശിച്ചു .  

തായ്‌വാൻ സായുധ സേന സ്ഥിതിഗതികൾ നിരീക്ഷിക്കുകയും അതിനനുസരിച്ച് പ്രതികരിക്കുകയും ചെയ്തു.  4 വിമാനങ്ങൾ  തായ്‌വാൻ കടലിടുക്കിൻ്റെ മധ്യരേഖ മറികടന്നു. തായ്‌വാനിലെ വടക്കൻ മേഖലയിലേക്ക് പ്രവേശിച്ചു , സായുധ  സേന സ്ഥിതിഗതികൾ നിരീക്ഷിക്കുകയും അതിനനുസരിച്ച് പ്രതികരിക്കുകയും ചെയ്തു എന്ന് എക്സ് പോസ്റ്റിലൂടെ അറിയിച്ചു  .

ഈ പുതിയ സംഭവം അടുത്ത മാസങ്ങളിൽ ചൈന നടത്തിയ സമാനമായ പ്രകോപനങ്ങളുടെ ഒരു പരമ്പരയായി മാറിയിരിക്കുന്നു.  തായ്‌വാനിലെ എയർ ഡിഫൻസ് ഐഡൻ്റിഫിക്കേഷൻ സോണിലേക്ക്  പതിവ് വ്യോമ, നാവിക നുഴഞ്ഞുകയറ്റങ്ങൾ ഉൾപ്പെടെ, ചൈന തായ്‌വാന് ചുറ്റുമുള്ള സൈനിക പ്രവർത്തനങ്ങൾ വർദ്ധിപ്പിച്ചിട്ടുണ്ട് .

ഔദ്യോഗികമായി റിപ്പബ്ലിക് ഓഫ് ചൈന എന്നറിയപ്പെടുന്ന തായ്‌വാൻ ചൈനയുടെ വിദേശനയത്തിൽ വളരെക്കാലമായി തർക്കവിഷയമാണ് . ചൈന തായ്‌വാൻ്റെ മേലുള്ള പരമാധികാരം ഉറപ്പിക്കുന്നത് തുടരുകയും അത് തങ്ങളുടെ പ്രദേശത്തിൻ്റെ ഭാഗമായി കണക്കാക്കുകയും ആവശ്യമെങ്കിൽ ബലപ്രയോഗത്തിലൂടെ ആത്യന്തികമായി പുനരേകീകരണത്തിന് ശ്രമിക്കുകയും  ചെയ്യുന്നു.