ഇറാനിൽ ശക്തമായ ഭൂചലനം . റസാവി ഖൊറാസാൻ പ്രവിശ്യയിലെ കശ്മീർ കൗണ്ടിയിൽ റിക്ടർ സ്കെയിലിൽ 4.9 തീവ്രത രേഖപ്പെടുത്തിയ ഭൂചലനമാണ് ഉണ്ടായത് . സംഭവത്തിൽ 4 പേർ മരിച്ചു, 120 ലധികം പേർക്ക് പരിക്കേറ്റു. പ്രാദേശിക ഭരണകൂടം 5 ടീമുകളെ തിരച്ചിൽ നായ്‌ക്കൾക്കൊപ്പം കശ്മീർ കൗണ്ടി ഏരിയയിലേക്ക് അയച്ചിട്ടുണ്ട്. ഇതിനുപുറമെ, 6000-ത്തോളം ആളുകളെ ഉൾക്കൊള്ളാൻ ശേഷിയുള്ള മൂന്ന് എമർജൻസി ഷെൽട്ടറുകളും ആരംഭിച്ചിട്ടുണ്ട്.

ഭൂചലനത്തെ തുടർന്ന് 35 പേരെ ആശുപത്രിയിൽ പ്രവേശിപ്പിച്ചതായി ഇറാൻ മാധ്യമങ്ങൾ റിപ്പോർട്ട് ചെയ്യുന്നു. ഭൂചലനത്തെത്തുടർന്ന് നഗരത്തിലെ ചില കെട്ടിടങ്ങളും നിരവധി റോഡുകളും തകർന്നിട്ടുണ്ട്. നിലവിൽ റിലീഫ് ആൻഡ് റെസ്ക്യൂ ടീം സംഭവസ്ഥലത്തെത്തി പരിക്കേറ്റവരെ ആശുപത്രിയിലേക്ക് കൊണ്ടുപോകുന്നുണ്ട് .

പരിക്കേറ്റവരിൽ 35 പേരെ ആശുപത്രിയിൽ അഡ്മിറ്റ് ചെയ്തതായി കഷ്മർ ഗവർണർ ഹുജ്ജതുല്ല ശരീഅത്ത്മദാരി അറിയിച്ചു. മറ്റുള്ളവരെ പ്രാഥമികചികിത്സക്ക് ശേഷം വിട്ടയച്ചു. കെട്ടിടാവശിഷ്ടങ്ങൾ ദേഹത്ത് വീണാണ് നാലുപേർ മരണപ്പെട്ടത്.

പ്രാദേശിക സമയം ഉച്ച 1.24ന് ഉണ്ടായ ഭൂകമ്പത്തിൽ നിരവധി കെട്ടിടങ്ങൾക്കും കാറുകൾക്കും കേടുപാടുകൾ സംഭവിച്ചു. കെട്ടിടാവശിഷ്ടങ്ങളിൽ കുടുങ്ങിക്കിടന്നവരെ റെഡ്ക്രസന്റ് വളന്റിയർമാർ രക്ഷിച്ചതായി ഖുറാസാൻ റദ്‍വി റെഡ് ക്രസൻ്റ് സൊസൈറ്റി മാനേജിങ് ഡയറക്ടർ അലി മോനിരി പറഞ്ഞു. ആളപായങ്ങളും നാശനഷ്ടങ്ങളും വിലയിരുത്തി വരികയാണെന്നും അദ്ദേഹം അറിയിച്ചു.