ഫ്രാന്‍സിസ് മാര്‍പാപ്പ അടുത്തവര്‍ഷം ഇന്ത്യ സന്ദര്‍ശിച്ചേക്കും. ജി-7 ഉച്ചകോടിക്ക് ഇറ്റലിയിലെത്തിയ പ്രധാനമന്ത്രി നരേന്ദ്രമോദി മാര്‍പാപ്പയെ ഇന്ത്യയിലേക്ക് ക്ഷണിച്ചിട്ടുണ്ടായിരുന്നു.

ക്ഷണം സ്വീകരിച്ചെങ്കിലും ഔദ്യോഗിക നടപടി ക്രമങ്ങള്‍ പൂര്‍ത്തിയാക്കിയാല്‍ മാത്രമേ ഇക്കാര്യത്തില്‍ അന്തിമതീരുമാനമാകൂകയുള്ളൂ. വൈകാതെ വിദേശകാര്യമന്ത്രാലയം അതിനുള്ള നടപടികളിലേക്ക് കടന്നേക്കും.

2021ലും മോദി പാപ്പയെ ഇന്ത്യയിലേക്ക് ക്ഷണിച്ചിരുന്നെങ്കിലും നടപടിക്രമങ്ങള്‍ യഥാസമയം പൂര്‍ത്തിയാക്കാതിരുന്നതിനാല്‍ സന്ദര്‍ശനം നടന്നില്ല. 1999-ല്‍ ഇന്ത്യയില്‍ ഏറ്റവുമൊടുവില്‍ സന്ദര്‍ശനത്തിനെത്തിയ മാര്‍പാപ്പ ജോണ്‍പോള്‍ രണ്ടാമനാണ് .