ചൈനീസ് വിദേശകാര്യമന്ത്രി വാങ് യിയുമായി കേന്ദ്ര വിദേശകാര്യമന്ത്രി എസ് ജയശങ്കർ കൂടിക്കാഴ്ച നടത്തി. ഷാങ്ഹായ് കോർപ്പറേഷൻ ഓർഗനൈസേഷൻ ഉച്ചകോടിക്കിടെയാണ്  കൂടിക്കാഴ്ച  നടന്നത്. കിഴക്കൻ ലഡാക്കിൽ അതിർത്തി മേഖലയിൽ നിലനിൽക്കുന്ന പ്രശ്‌നങ്ങൾ  വേഗത്തിൽ  പരിഹരിക്കുന്നതിനുള്ള ശ്രമങ്ങൾ ശക്തമാക്കാനുള്ള നീക്കത്തിലാണ്  ഇന്ത്യയും ചൈനയും.   

അതിർത്തിയിൽ സമാധാനം ഉറപ്പാക്കണമെന്നും, യഥാർത്ഥ നിയന്ത്രണരേഖ മാനിക്കാൻ ചൈന തയ്യാറാകണമെന്നും എസ് ജയശങ്കർ ആവശ്യമുന്നയിച്ചു. ഇരുരാജ്യങ്ങളും തമ്മിൽ പരസ്പര ബഹുമാനം പുലർത്തിക്കൊണ്ട് തന്നെ മികച്ച ബന്ധം ഉറപ്പാക്കണമെന്നാണ് ഇന്ത്യ ആഗ്രഹിക്കുന്നതെന്നും അദ്ദേഹം വ്യക്തമാക്കി. കിഴക്കൻ ലഡാക്കിലെ പ്രശ്‌നങ്ങൾ പരിഹരിച്ച് കൊണ്ട് ഇരുരാജ്യങ്ങൾക്കിടയിലുള്ള ബന്ധം സാധാരണ നിലയിലേക്ക് എത്തിക്കണം .

തടസങ്ങൾ പരിഹരിച്ച് സമാധാനം പുനസ്ഥാപിക്കേണ്ടത് ആവശ്യമാണെന്നും അദ്ദേഹം ചൂണ്ടിക്കാണിച്ചിരിക്കുകയാണ് . ഇന്ത്യ  നിലപാട് വീണ്ടും ആവർത്തിച്ചുറപ്പിച്ചിരിക്കുകയാണ് . അതിർത്തിയിൽ സമാധാനം പുനസ്ഥാപിക്കാതെ ചൈനയുമായുള്ള ബന്ധം സാധാരണ നിലയിലാകില്ലെന്ന നിലപാട് ആണ്‌   ഇന്ത്യ  ആവർത്തിക്കുന്നത് .